معقوله في ناس تسوي سحر عشان تضر غيرها ؟

السلام عليكم
عندي سؤال .. معقول في ناس تسوي سحر وتضر غيرها؟
انا اؤمن بوجود السحر والحسد والعين
لكن مو مستوعبه ان في ناس لهالدرجه هذه ممكن توصل للسحر
يعني صديقة بنت خالتي من يوم تزوجت كانت سعيده وزوجها يموت فيها
وبعدين فجأه وبلا مقدمات بعد اسبوعين قلب عليها ويبغى يتراجع
وصار يكرهها كره شديد .. وهي تحبه تموت فيه
لكن المشاكل مو راضيه تنتهي بينهم صار لهم الان لهم خمس سنوات من تزوجو
وعيالهم صغار لكن مبين انهم معقدين وعندهم مشاكل نفسيه بسبب الي يصير بينهم
قبل فتره راحو الى شيخ وقال لهم فيه سحر .. وعلى مايبدو ان الشخص الفاعل قريب
وهي تحس انها مربطه مو قادره تسوي اي شي ولا قادره تتزين ولا قادرة تشتغل بالبيت موقفه الدنيا


تفكر بالموت ..تخاف من المستقبل .. اكتئاب حاد وكارهه الحياة ومو مستقره نفسيا ولا مستقره عند ابو عيالها ع طول في بيت اهلها


المشكله مو هنا .. المشكله لما تجي تفضفض لنا .. انا ابدي رأيي بإن مو معقول في ناس مسلمين يسوون كذا وخصوصا الفاعل قريب وش الهدف ؟؟؟؟ شخصيا ماعندها مشاكل مع احد
يعني ماتفكر بآخرتها وكل همها بس انها تضر فلان !! معقول في كذا
الشيخ وصاهم بالعلاج لكن يبدو انها اقتنعت من وجهة نظري وتأثرت واعتقدت اني ما اؤمن بوجود السحر
وقالت لي انتي معتبره الشيء كلام فاضي
قلت لها مو قصدي كذا .. مااعتبره كلام فاضي بس مو مستوعبه الى هذا الحد ان في ناس وصلت الى هذا الحد
قالت وانا محتاره ابغى اعرف مين ووش الهدف .. ماعندي مشاكل مع احد ممكن الخلل في زوجي
بس في امور نفسية مأثره علي وعلى عيالي
وليه زوجي قلب علي فجأه بالامس كان يموت فيني واليوم عدوته االلذودذه والمشاكل بكل وقت .. يشوفني قبيحه مهما سويت
مانقدر نجلس مع بعض ولا ننام مع بعض
وفي نفس الوقت مو قادره التزم بالعلاج تتراودني شكوك ان ما يعقل هذا الشيء ووش الهدف كل الي حولي طيبين معي وانتي بوجهة نظرك اقنعتيني زود
هدفي من طرح الموضوع .. استأذنتها في طرحه عشان نشوف اذا في وحده فعلا عانت من السحر وتعالجت وتشافت تفيدها اكثر .. وتشجعها على الاستمراريه بالعلاج


وشكرا لكم