معقوله كان حمل ونزل!!!!!

بدخل بالموضوع عطول وبقولكم إيشزصار معي بالضبط..
هذا بشهر 2 الماضي قبل موعد الدوره بـ 10 أيام صحيت الصبح وحسيت بتعب وغثيان ومغص نفس ألام الدوره وتحممت ونزل معي وإنتم بكرامه نقطه دم وتجاهلت هذا كله وداومت وبس دخلت الجامعه زاد الألم وعطول جاء زوجي وٱستاذنت ورحت المستشفى وطفشوني لازم تحويله وسين وجيم و…
قلت أروح البيت وأرتاح أحسن لي وأخذت مسكن وظليت تعبانه وغثيان وإستفراغ لين المغرب..
وبعده ٱرتحت شوي..
وبعده لـمده 4 أيام كل يوم الصبح لما أقوم كنت أشوف نقطه دم وبعد خلاص ما أشوف شي..
وجاء اليوم اللي هو موعد الدوره أصلا وكان يوم أربعاء وما جات وبنفس اليوم رحت المستوصف وحكيت للدكتوره كل اللي صار معي وسوت لي سونار وقالت في كيس وقالت سوي تحليل دم وسويت التحليل وقالت مافي حمل وتحطممممممت وتدمرت نفسيتي وصحت لين ما نشفوا دموعي لأني كنت متأكده إنه حمل بس مادري ليه صار كذا ..
وعطتني تحويله عالحكومي ..
ويوم طلعت من المستوصف بالليل صار ينزل معي دم بني وإنتم بكرامه وٱستمر لـ 3 أيام لين الجمعه وما وقف النزيف وقتها كنت بالديره عند أهلي ورحت لمستوصف هناك والدكتوره قالت إن فيه كيس وأنا قلت لها إني سويت تحليل دم ومافي حمل ..
وبعدها نزلت الدوره وماحسيت بألمها كالعاده بس مغص خفيف وشربت أشياء دافيه والحمد لله خفيت ولا أنا بالعاده حتى الابر ما تريحني من ألمها..
ويوم رحت بموعدي اللي بالحكومي قالت الدكتوره إنه ما فيك كيس ولا شي وضليت 3 شهور وأنا أراجع عندها وقالت مافيك شي..
وبس..
وهالشهر كملت سنه بالضبط وما حملت وأنا حاسه إن اللي صار معي كان حمل ونزل وأنا ما حسيت بنفسي..