معقوله مافي عيال مطلقات طلعوا ناجحين

ماشفت نماذج لكن اعتقد السبب هو طريقة الطلاق نفسها لان الطلاق عندنا يكون تحدي بين الطرفين مو عن طريق التفاهم مثل بعض الدول يتفاهمون الام والاب على الانفصال بطريقه ما تأثر على نفسية اطفالهم ويكون طلاق ودي ويتفقون على كل شي من زياره ونفقه

الله يعوض المطلقات خير
لكن يعتمد على شخصيتها

الاولاد يضيعوا بعد الطلاق لسببين ان امهم جاهله وماعندهم مصدر دخل
وش نفسية الطفل الي يشوف امه يحبسها ابوه بالثمان شهور ؟! لما يكبر شوي ويسترجع هالموقف يا انه يشك بأمه او يكره ابوه
من وجهة نظري اذا الزوج سيء الطلاق نجاح للأم والاطفال.
شفت نماذج حولي نجحوا بحياتهم بدون أب
وشفت نماذج انحرفوا وفشلوا وهم مع ابوهم ، لانه السبب في فشلهم ، هذا انا بهالعمر تمنيت وحنا صغار امي وابوي تركونا كان حالنا افضل ، اخوي يتذكر كيف ابوي يعامل امي بقسوه ويحرمها من ابسط حقوقها وساجنها بالبيت وتحولت لانسانه شرسه فرغت قهرها فينا ، لا هي ارتاحت ولا حنا
اخوي طلع من الدراسه وانطوى ببيته حتى بعد ماتزوج وكبروا عياله مايبي حد من اهل ابوي ، سبب لنا صدمه
كنا نتمنى يتركونا نعيش لحالنا كان مستوانا في الحياه افضل ، الحياه ماهي صعبه لكن الي يتحكمون بنا هم الي يصعبونها
انا مع الأم الي تحرر نفسها وعيالها من علاقة زواج مسمومه .
واهم شي ماتسمع للناس بالذات الجهله ، حتى ماتدمر عيالها
كل ما طالت هالعلاقه الفاشله زادت معاناة الزوجه وزادت المواقف والذكريات السيئه وهالماضي السيء يقضي عليهم بالذات الاولاد يتعقدون نفسيآ.

اعرف سته رجال من اقاربنا اهاليهم مرو بتجربة طلاق..


وفي منهم اللي كان ابوه وزوجة ابوهم كويسين معاهم..


وفئه منهم عاشو مع زوجة ابو قاسيه اتعبتهم


وكل السته ماشاء الله تبارك الله متزوجين ومخلفين وناجحين، وعلى العكس حسيت تجربة طلاق اهاليهم خلتهم يتمسكو بزواجهم وانضجتهم بدري

وحده من قرايبنا مطلقه
واولادها متفوقين وواحد منهم من الموهوبين لدرجة سفروه لدواة عربيه بالاجازه مع الموهوبين طبعا الكلام هذا من عشرين سنه اتوقع
مو شرط
وثانيه اعرفها اهتمت بعيالها وكافحت معهم لحد ماكبرو ودرسو وتوظفو والحين باعلى المراتب ماشاء الله
ياكثرهم والله انا اشوف المطلقات اغلبهم متمسكين بعيالهم وبناتهم ويبون يعوضونهم