معقوله مايبغاني احتك فيها

زوجي عنده صديق الروح بروح من ايام الدراسه وكنت دايما اقول لزوجي متى يتزوج عشان اتعرف على زوجته
وتقريبا من فترة شهرين اتزوج
وساكن مع اهله بجناح
ولان انا وزوجي نبي نسكن بيت جديد وراح نصير جيرانهم بعد 8 شهور
ولاني ماعندي صديقات قلت لزوجي كلم صاحبك علشان ازور زوجته واباركلها واتعرف عليها
زوجي قال اوكي وقاله زوجتي تبغى تزوركم رد عليه وقال والله عندنا خواتي وعيالهم مانصحكم تزورنا الحين خلوها وقت ثاني قال زوجي خلاص على راحتك
المهم صار على الكلام هذا شهر وهو كل يوم يشوف زوجي ولا قاله عن موضوع الزياره نهائي
وبعدين انا قلت يمكن مايبغى يعزمنا ويكلف على نفسه وقلت لزوجي اعزمه هو وزوجته عندنا في البيت المهم زوجي قاله وش رايكم تسيرون علينا رد عليه مالها داعي تكلفون عليكم قاله عادي لا كلافه ولا شي رد ايه خلاص إن شاء الله وصرلنا شهر لا حس ولا خبر رغم لقاهم كل يوم
زوجي يقول خلاص افهميها مايبغى زوجته تحتك باحد
سؤالي يا ترى وش قصده ليه رافض هازياره
ادري موضوع تا فه بصدق مقهوره منه
وياليت تقولولي اطنشهم خلاص مع العلم انو نفسي اتعرف عليها