معقوله منك ؟؟؟

السلام عليكم ورحمة الله وبركاته

خواتي بنات حواء فيني ضيقة ما يعلم فيها غير الله وحده و انا ما خبرت حد بمشكلتي لان املي بالله ثم بكم في مساعدتي

طبعا كالعادة همي زوجي حالي حال اغلب الحلوات اللي هناالسالفه اني عندي قصر نظر وقلت لزوجي اني بسوي ليزك قال اوكي بس بنجمع فلوس هالكلام قبل سنتين وانا متزوجه من ثلاث سنين

والى اليوم ما جمع ولا ريال وجاني امس قالي انه بيعتمر مع صاحبه وهو ما شاء الله في السنه اربع او خمس مرات يعتمر

انا قلت له هالفلوس اللي تبي تعتمر فيهم عطني انا بجمعهم عشان العلمية هو رد علي قال لي "" هذا موضوع يخصك""

يقصد اني مو مكلف بعلاجك لانه دايم يقول لي مو واجب على الزوج ينفق على علاج زوجته

انا بصراحه انقهرت وجلست ابكي من كل قلبي زعلت بقوه بس ما تكلمت

وتذكرت اول ايام زواجي هو عطاني مهر عشرة الاف و 25الف عشان الجهاز يعني 35 الف كل اللي اخذتهم منه للعرس تخيلوا

نحن في زمن الناس ما تاخذ اقل عن خمسين الف مهر بس وانا وافقت لانه ملتزم وانا كنت اريد زوجي مطوع

ايامها كنت متوظفه وصرفت على زواجي من فلوسي و الفلوس اللي هو عطاني خليتهم لي في البنك

و اول زواجي قال لي بشتري سيارة جديده و عطيني الفلوس اللي في البنك انا على طول قلت له ابشر وعطيته

ما قلت له هذا موضوع يخصك

وهاليومين مصر اني اتوظف لانه يبي يبني بيت ويبيني اساعده وما قلت له لا قلت بساعدك

ومره قال لي اذا توظفتي ما راح اخليكي تصرفين من فلوسك على كيفك قلت له اني خلاص هونت ما بتوظف زعل وانقهر

بس بعد ما قلت له هذا موضوع يخصك ولا تخليت عنه ولا فكرت

انا الحين الحمد لله بصحتي وعافيتي اجل بكره لو صار فيني مرض وش بيسوي فيني ؟؟؟

فعلا كلمته زعلتني غير انه يقول لي انتي قلبك اسود وانا اللي حبيته و مخليته نور عيني واسوي اي شي اي شي يسعده

هذا جزاي وانا لله الحمد حلوه مره ومتعلمه ومثقفه و طيبه كثير واحب اهله و لا مره زعلتهم بشي خاصه امه رغم اني اشوف منهم لكن وش اقول غير حسبي الله ونعم الوكيل


على فكره مره كنا نتناقش في موضوع قالي انه الزوج مو مكلف يعالج زوجته بس بعد مو من المروءه انه ما يعالجها قالها يوم قلت له مو من واجب الزوجه تشتغل في بيت زوجها ولازم على الزوج يجيب لها شغاله ( هذا مو كلامي كلام العلماء)


واعذروني كلامي مره مخربط لاني فعلا مجرووحه

ولو سمحتوا اللي ما عندها كلمه طيبه تقولها لا تقول شي الله يخليكم