علمي بنتك اذا ضربها تضربه ولاتسكت
اول كنت مثاليه وعيالي ملطشة وعلمتهم اذا ضربهم احد يبعدون عنه واذا استمر يضربهم يضربون بس اهم شئ مايعتدون على احد بس يدافعون عن نفسهم لانه حق طبيعي ان الطفل يتعود يدافع عن نفسه واذا ماعلمتيه انتي مين بيعلمه ؟؟

بدووووووووووون ماتزعلين من كلاااااااامي

بما انك قاعده تهاوشين الولد وتطقينه خلاااااااص يعني اخذتي حق بنتك بيدك

وانتي تزعلين من طفل بينه وبين بنتك ثلااااااث سنين ويضربها

ومااااااااااااااااتبين الناس يزعلون على ولدهم اللي بينك وبينه على اقل تقدير 20 سنه وتضربينه؟؟؟؟؟

وصدقيني انتي مانتي معطيه بنتك مجال تدافع عن نفسها لآنك تدافعين عنها

ومانتي معطيه امه مجال تأدبه لآنك تقومين باللازم




اتمنى ماااااااااااااااااتزعلين من كلامي:27:

صراحه مااخلي اي طفل يمد يده عل بناتي والله احط عقلي معاه ونص خصوصا لو كان الطفل اكبر منهم ياسلام اخليه يستقوي على بنتي وممكن يضرها لاو الف لاوالي بده يزعل ينفلق دي قلة تربيه لانه بنتي صراحه عمرها ما تضرب احد فليش اخليها تنضرب

نفس حالتي بس انا ماتكلم ولا اضرب ها البزر اخذ بنتي وسكتها صرت اكره الزيارات

مشكورين وجزاكم الله كل خير ..
اثارينا في الهم سوا !!
لكن استوقفني رد الأخت صمت الوجدان ..


مازعلت من كلامك لكني استغربت وتوقعت شي من اثنين .
يااما ماعندك أطفال أو ان أطفالك يضربون ماينضربون !!
حطي نفسك بمكاني .. بنتك من يوم كانت في اللفه وهي تنضرب من نفس الولد وبكل قسوه ,, وكبرت وانتي ساكته بس كل ماضربها قمتي تراضينها ..
اذا اجتمعتوا تجيبين له لعبه ولا حلاوه أو عصير وتقولين له بطل حبيبي انتبه على اختك لأنك اكبر منها ولاتخلي احد يضربها .. ثواني والكلام تبخر وتجي بنتك طايحه من الدرج بسببه .. وام الولد كأن مالها علاق بالموضوع .. حتى ماتعتذر بالنيابه .. بالعكس تتضايق اذا هاوشتيه بسسس كلام بدون ضرب ..:44:
لكن للصبر حدود هل بتصبرين للأبد وماراح تضربينه وتأدبينه دام امه تشجعه على هالشي بطريقه غير مباشره ..

وانتي تلوميني اني مااعطيت بتي فرصه تدافع عن نفسها .. لكن بنتي صغيره والولد أكبر منها وماشاء الله جسمه كبير ..
أما اني مااعطيت الأم فرصه هذي قويه .. يعني سنتين ماكانت كفايه .. والا يبيلها أشواط إضافيه .. أو بطاقة دعوه .. يافلانه لو تكرمتي تصرفي !!
منطق غريب بصراحه .. :35:
لكني من هالمنتدى أطلب من كل أم انها تفهم وتحط ببالها ان كل الناس يحبون عيالهم مثل ماتحبين عيالك ..
ومحد يرضى عياله ينضربون مثل ماانتي ماترضين على عيالك ..
وخلي بالك ,, لو ماأدبتي اولادك وعلمتيهم حدودهم وانهم مايعتدون على احد وعاقبتيهم تربية لهم ومراعاة لخاطر الطفل المضروب وأمه ..
والا ترى بيضطرون الناس يأدبونهم بالنيابه ..
أما الحل الأخير اللي ماتبي الحل الأول ولا الثاني تجلس ببيتها وتدلع أطفالها مثل ماتبي لأن الناس مب مجبرين يدلعونهم بعد !!!!