ابيكم باستشاره لو سمحتو
اذكرو الله (ماشاء الله)
تراني ما سويت شي بالشقه غير هالغرفه فقط لا مطبخ ولا شي
عشان الماده ما تساعد اني أأثث كل شي يا دوب هالغرفه
انا طبعا لا فصلت ولا شي
ولكن عجبتني الغرفة بهالتصميم واللون
واخترتلها ورق جدران بهالشكل لاني شفت الاسود ماشي عليها بالصورة
وهذا عجبني بالاول بس حسيتو ما يمشي عليها
امممممم
استشرنا صاحب المحل
ورانا كتالوجات ع اللون الفضي والابيض والاسود
ما ادري حسيتها ما عجبتني
من ناحية انو تنفع لغرفه كبيره
ولكنها تجنن
بس ما حبيت الغرفه كلها درجات الاسود والرمادي
كذا حتكتم(تصير كاتمه او غامقة اللون)
حبيت الوان متناغمه مع بعضها مش درجات اللون
حبيت غرفة النوم كذا تكون مشرقه
ما حبيتها منفره
تشاركوني الرأي بالاختيار
كمان قالنا اذا بتحطو السرير بني محرووق قريب للاسود بيطلع حلو مع الورق
اخاف من المغامره وتغيير اللون يطلع مو ماشي
اوراق الجدران توهتني كثير
واللي خلاني ما اختار الرمادي انو لو اصبغو تكلفته اقل
فليه اخليه ورق جدران
اخترت هالشكل لانو ما يتعمل صبغه
كمان كذا يعطي حياه للغرفه
(( يااارب تكونو فهمتو علي ))
استشرت اخواتي ع كم لون ورق جدران وفي منها موف ساااده فاتح وشريط فقط وورود بيضا واصفر
عجبهم
بس انا حسيت الغرفه بتصير باهته
......................................................................................................
طيب
بالنسبة للسقف رايكم اتركه ابيض وهو فيه حركات جبسيه
ولا الون حاجات بسيطه
فيه مربعات صغيره
الونها او اتركها بيضا
بالنسبة للسجاد ما اخترته
ع الاغلب بيكون فاتح
اذا زبط ورق الجدران ساعتها حشوف لون السجاد
وتوزيع الورق
فين اللي حيكون خلف السرير وفين اللي حيكون قدامه
للمعلوميه
ما احب عجقه كثير بالغرفه
ولا احب التحف ولا تعنيلي شي << مجرد حاجات تستلزم التنظيف المستمر