تاخذونهم فقراء يغنكم الله من فضله

انا اعرف ثنتين قريبتين لي ...والله اني صادقه

وحده راتب زوجها 15 الف ...تتحسر عشان زوجها يطلعهاا ويمشيها بعيالها ...لة مره بالسنه

والثانيه ماشاء الله لاقوة الا بالله.... راتب زوجها 4 الاف وفي بيت اجار ... وطفلين ..ومنظمين وضعهم ..

ويطلعون كل شهر مطعم للعشاء ..

وفي الاجازه يطلعون سفريه ...

الفلوس ..ماتخلق السعاده وراحة البال

اهم شئ استخيري..والله يكتب مافيه الخير..واساالوا عن صلاته واخلاقه قبل راتبه

الحمدلله والله 5000 حلوة مرة ويقدرون يفتحون بيت .....

إلا إذا كان عليه أقساط فهذا شي ثاني

أنا لما تزوجت كان راتب زوجي 6000 وعليه 2000 اقساط

وكنا مستاجرين شقة بـ 1600 الشهر

ومرتبين امورنا ومانقصنا شي وغير كذا إنه هو يصرف على أهله

والحمدلله ماقد احتجنا ولا ريال

والحين صار راتبه 8000 وجالسين نجمع 3000 شهرياً علشان نبي نأثث لأننا نقلنا لمدينه ثانيه

ويبقى معنا 5000 ووضعنا تمام ونطلع بالاسبوع مرتين او ثلاث رحلات وعشاء برا

والحمدلله ماشيه الحياة ....

فولي لها مارح تلاقي احد راتبه 10000 وفوق .. والله ابوي راتبه 14.000 ومع هذا ظروفنا احسن من ظروفه

وكمان قولي لها قبل كل شي تستخير والله يكتب إللي فيه الخير ...

بالعكس 5 الالف حلوو ... يفتح بيتين ..:) انا يتقدم لي روتبهم الفين او 3الالف مع اني موظفه بس ارفض احس اني مابي اصرف عليه .بس لو يتقدم 5الالف حلووو بوافق اكيد .

الحمد الله نعمه وبركه ..

أعرف والله زوجها راتبه 2800 ومعيشها أحلى عيشه ..

كثيييييير ترا رواابتهم قليلة والحمد الله تلاقينهم أسعد من اللي روااتبهم بالآلاااف وفوق

ياما بنات تزوجوا شباب رواتبهم 3000 وأقل وأقل
يالله الحمدلله علىكل حال
وانا نصيحتي لها ماترفض علشان هالسبب لاني احسه مو مقنع ابببببببببببببدا
حنا نبي رجال لدينه وأخلاقه مانبيه لفلوسه ولجاهه وعلشان الناس يتكلمون تزوجت واحد عنده وعنده
حنا نبي الستر والخير والصلاح والذريه الصالحه الطيبه الباره

اكثروا من الدعاء والاستغفار