معقول؟؟ أسنان منذ الولادة؟؟

أهلين أخواتي

حبيت أخبركم بشيئ عشان تكونون على استعداد لمواجهة الحدث وعدم الخوف وعشان ما تنحطون بنفس الموقف اللي انا صرت فيه.

أنا عندما أنجبت بنتي البكر ((بيـــان)) ، كانت بصحة وعافية ولله الحمد، لكن بعد يومها الأول بدأ بروز غريب في لثتها:15: وتفاجأت أكثر باليوم التالي بظهور سن بأكممله، طبعاً الكل تفاجأ ، والكل بدأ صار يتكلم بأقاويل ما لها أول ولا تالي، فئة قالت ((غريبة،، هذا فال ابد موطيب)) وفئة ثانية قالت ((غريبة،، هذا أكيد البنت راح تموت)) وفئة ثالثة فقالت ((غريبة،، أكيد واحد من العائلة راح يموت)) ،،،، المهم خفت وصادتني حالة نفسية وصرت اكره اي احد يزورني ، وكنت دائما اخليها تنام اذا زارني احد عشان لا تبتسم او تصيح ويطلع السن.

عموما ، بنتي الحين عمرها ست سنوات والحمدلله وما تعاني من اي شي وكل الكلام الفاضي كان مجرد اقاويل ، والابحاث تقول ان من الطبيعي ان يولد واحد من بين عشرة آلاف طفل بهذا الحالة النادرة.

فمن المفروض اني افرح لأن بنتي من الحالات النادرة ، لكن الناس خوفوني وخلوني اخبيها بدل ما افتخر فيها.