معقول الهوا والإفرازات اللي فيني من الطلق الصناعي...بنات.. دكتورة..جاوبوني

السلام عليكم خواتي مشكلتي هاذي لها مدة طويلة مطفشتني ومخلية نفسيتي زفت حتى زوجي مايدري وش فيني؟؟ يقول تغيرتي عن اول ماعاد تبيني مثل اول.. وانا من القرف اللي حاسة فيه ابعد عنه...

مشكلتي ان في ولادتي اخذت طلق صناعي وجلست يومين لحد ماطلعت المحروسة بنتي واتبعت نظام فيافي وكان كل شي تمام وكانت امي وراي وراي طول الأربعين واتبخر واخذ لهوم يعني اتبعت النظام المهم في أخر يومين من الأربعين صرت احس بهواء وشويه افرازات المهم رحت للدكتورة عند اهلي(انا ماولدت عندها انا ولدت عند زوجي وبعدها بعشر ايام سافرت لأهلي) وقالت لي معاك شوية افرازات واعطتني ادوية المهم الهوا كان خفيف واختي قالت لي عادي لا تشيلين هم اهم شي في اول دورة بعد النفاس اهتمي في نفسك وكأنك نفاس من جديد بس انا من زود خبالتي مااهتميت لانه كان عندنا مناسبة كبيرة مره وانشغلت فيها المهم الجو كان بارد وكنت طول الوقت جيعانة وبعد الدورة هاذي:22: وعيني ماتشوف النور صار العاب نارية عندي اصوات تفشل وافرازات اشكال وساعات ينزل علي دم مو في وقت الدورة ياربي شكيت قلت يمكن نظام فيافي ماناسبني،، يمكن الجوع ،،،، يمكن يمكن صرت اهوجس وس السبب وكل دورة كانت تجيني كنت اهتم بس مو مرة لا واللي زاد الطين بلة قبل مااتزوج كانت الحمدلله الدورة ماتتعبني بس من بعد الولادة اعوذ بالله ساعات احس بالالام طلق المهم بعد 6 شهور من الحال رحت للدكتورة اللي ولدتني مالقيتها مسافرة دخلت على ثانية وقلت لها انا كذا وكذا واحس بالم في ظهري وقت الدورة وغير وقت الدورة معقول من الطلق الصناعي قالت لي:: ممكن بس انتي وين ولدتي قلت عندكم... وبدون حلف يابنات تغير وجهها وقالت لا مو شرط انه السبب يمكن اشياء ثانية واعطتني ادوية ونفس الشي يخف شهر ويرجع الشهر اللي بعده .. وبعد سنة من ولادتي صاااااااار الوضع يقرف اكثر واكثر والإفرازات عندي لها لون وريحة المهم قريت في المنتدى عن دكتورة شاااااااطرة في جدة واسمها شميم قلت خلني اروح... لعل وعسى.. رحت لها وزوجي يقول ليش تروحين قلت بس عشان بأسال عن حبوب منع الحمل وعن الم الدورة وهو يقول لي مو شرط بعدين نروح وانا مصرة اروووح رحت لها واول ماكشفت علي قالت لي انتي اخذتي طلق صناعي قلت لها ايه قالت لي طولتي فيه قلت لها ايه قالت ان عنق الرحم متوسع بسبب الطلق وهو اللي يسبب لك الهوا والافرازات واعطتني ادوية بس للأمانة الهوا خف بس الإفرازات مثل ماهي....

بنات بديت انجن تخيلوا لي شهر ماخليت زوجي ومعليش على الكلمة يجامعني اتعذر له باشياء اقول ظهري يعورني.. تعبانة.. وهو مايدري وش فيني؟؟؟ والمشكلة لما سألته بعد الأربعين قلت له كيف كان الوضع قال لي تمام قلت يعني ماتغيرت قال لا.. ماادري هو يجاااااااامل وكاتم في قلبه والا فعلا ماهو منتبهه

الله يخليكم ساعدوني مليت من حالي سنة وانا على هالحال تقرفت من عمري وتغيرت على زوجي مشورتكم الله يخليكم خصوصا ان دورتي بعد اسبوع انقذوني... لان حتى علاج الدكتورة شميم مانفع معي......؟:eek: :(