معقول!! حياتى تغيرت مع زوجى 180 درجة.. من اليأس والنكد الى السعادة والتفاؤل..والسبب!

اخواتى وحبايبى يعلم ربنا اد ايه باحب المنتدى ده وكل عضواته
باشعر فيه بالاخلاص والحب فى الله.. وخصوصا لما واحدة تكتبلنا عن تجربتها عشان الكل يستفيد سواء من مشكلة حياتية او خلطة تجميلية ... او حتى طبخة شهية...ههههه ..حلوة القافية:42:

المهم انا كمان لن ابخل عليكم وهاقولكم عن سر التغيير فى حياتى.. بالرغم من انى باحس دايما انى بافقر على نفسى واقاطع لما احكى اى حاجة حلوة حصلت لى.. لكن الله يسترها لانى والله خالصة النية لله
ونفسى اشوف السعادة مالية كل البيوت..

السر هو.....



كتــــــــــــــــــــــــــــاب!!





كتاب جبته من شهور وماكنش عندى وقت اقراه...او تقدروا تقولوا انى حسيت انى بمجرد انى اشتريت الكتاب ابقى عملت اللى عليا:2thmup: ..وكانى طبقت اللى فيه واستفدت من نصايحه

وبمرور الوقت نسيته خالص ووقع فى ايدى من كام يوم ... وقررت انى استفيد منه بجد واطبق كل اللى فيه على اد ما اقدر ...والحمد لله النتيجة الى الان معقولة ومرضية ولسه انا ماوصلتش لنصه ..ادعولى بلاستمرار والثبات (وحسن التطبيق)


الكتاب هو كيف تكسبين محبوبك
واللى عندها اى سؤال تتفضل

ولو عاوزين تعرفوا ايه التغييرات اللى حصلت مع زوجى انا فى الخدمة

وهاعتبر دى دعوة لكل زوجة انها تفيدنا بالتصرفات والتغيير اللى عملته ولقت ليه رد فعل حلو ومشجع عند الزوج .. مع الوضع فى الاعتبار طبعا اختلاف شخصية الازواج

بس المهم كلنا نستفيد
لان الحاجات دى والله مابتتعلمش .. ولو كان فيه مدرسة تعلم حسن التصرف مع الزوج والاولاد لكنا كلنا حريصين نبقى تلاميذ من اول وجديد..المهم السعادة والاستقرار وراحة البال..
وفى انتظار مشاركتم ...يا احلى منتدى:26: