معقول فيه ناس اخلاقهم كذا

بنات انا اول مره بحياتي اشتغل بوظيفه
وكانت للاسف اسوا تجربه لمده شهرين
كرهت الوظايف بعدها ماكنت اتخيل
ان فيه بنات عفوا مو بنات حريم اعمارهم صاكه ٣٠
كذا افكارهم
تعرفون نظام الابتدائي ؟
حنا حزب لحال حنا بالفسحه لحال ناكل مانبيك معنا
عانيت فيها بشده
بهالشهرين
يعني الناس الطبيعيه اول ماتتوظف وش تتوقعن
وش راسمه ببالك لما تصيرين تداومين
دوامك
شغلك
وقت البريك تجلسين تتقهوين تسولفين
تتغدي تتعشي مع صديقات العمل
خاصه اذا كان وقت دوامك طويل يعني من الظهر لعشر ونص
بالليل
هذا كان ببالي
دخلت اول يوم دوام
حصلت الزميلات
اللي كانو مكاتنبنا جنب بعض
ثلاث وانا الرابع
وعلى جنب المكاتب فيه غرفه صغيره
اللي يبي يصلي ياكل يتقهوى وقت البريك
يعني بدل مو يرحبون فيني
يعرفوني عليهم
يتقربون واتقرب منهم
يعلموني اشياء عن للدوام
يساعدوني بوظيفتي الجديده ساحبين علي
يعتبرون جدار
يمين بالله يمين بالله اني اول اسبوع
رايحه واخده ترمس قهوتي وحلويات معي
جالسه اتعامل باصلي ابي اقرب لهم ويقربون لي
فجاه كلهن يرفضن بحجه مانشرب قهوه عربيه
واطيح فجاه عليهم بمطبخ العياده يتقهون!!
طيب ليش ترفضون حاطه لكم سم!!
او بيني وبينكم ثار
طنشت وقلت كيفهم انشغل بوظيفتي وشغلي
لكن نظام وظيفتي كان طويل مره
واغلب البنات مع بعض
يمين بالله يمين بالله يابنات جتن فتره
اروح اسكر الحمام وابكي مع نفسي
بالعياده
من الضيقه
طنشت اسبوع اسبوعين قلت لين ياخذون علي
كل مالهم يزيدون كاني مرت ابوهم
والي تجي وتكرهني وتقولي ترا مديرنا صعب
ولما اسالهم عن شي بماًانيً موظفه جديده
يسفهون بي ولا يعلموني احتاج تعليم
ع الجهاز وعلى اشياء خاصه بالعياده سافهيني
او يعلموني تسليك بشكل مو صح
طنششششششششت لكن توصل انهم
يعني ندوام جميع من ٢الظهر لين ١٠ونص بالليل
لما تجي البريك فجاه احصل المطعم فوق راسي طالبين
غدا وعشا بدون مايقولون يتفقون مع بعض برا او بقروب اقل شي عيببببببب اني معكم بنفس الغرفه
اقل شي مجامله لو
يسالون تبين معنا نطلب لك!!
يعني لاتخافون معي فلوسي وبدفع لكم
بس مو للهدرجه للتهميش
والله ثم والله
انهم بكل وقاحه يفكون الاكل جنبي ويجلسون ع طاوله
ويعطوني ظهرهم واكل وضحك وسوالف
وانا كاني مسويه لهم سي كذا بدون سبب
وكل سوالف عن علاقات وعيال ومادري ايش
كل هذا كارهيني عشان هالاشياء!!
بتقولون وش عليك جيبي لحالك
بنات انا القهوه توقف بحلقي
من كثر مانا منسده نفسي وانا اتقهوى لحال وقت البريك
وهم جنبي مع بعض والله كنت اسوي لي مق صغير
اخذه معي لما شفت مايبون يتقهون معي
وصرت احاول اشرب عشان اصحصح للدوام
لكن تبوني اكل غدا او عشا لحال وذلا جنبي !!
مع بعض ياكلون وانا كاني جربانه!!
شي مستحيل
والله ان القهوه احيانا توقف كانت بحلقي
لما اشوفه قدامي جالسين
وانا كاني جدار على المكتب وهم فالينها جوا
ضحك وسوالف واكل وقهاىي
يعني لدرجه تعبت نفسي افكر
وش جاهم مني
حتى الحمدلله يعني كشكل احلى منهم بكثير انا
مع ان الكل منقبات
بس شفتهم بالغرفه لما كانو يتقهون ووقت الصلاه
والله اني اقول بنفسي وش فايده صلاتكم
ونقاب وقلوبكم سوداء كذا واخلاقكم كذا زي الزفت
يعني كذا
كره من الباب للطاقه مره حاولت اقرب لوحده
منهم اسولف ابي اخذ واعطي معها بالكلاك
اقسم بالله تكلمني بطرف خشمها
ولما جت صديقتها اللي جنبها بالمكتب ضحك وسوالف ومعطينني ظهرها!!
غير كذا الحمدلله انا جدا نظيفه يعني كل يوم اتروش
والله بدون مبالغه ان ريحة نظافتي تسبقني لمكاني
وشكلي مرتب يعني جاء ببالي مية تفسير على حركاتهم
مالقيت شفتو اذا دخلتو
بين ناس كذا كارهينكم فجاه
انا كذا
عمري بمجتمعي وصديقاتي ماحصلت ناس كذا
الا بالدوام كانت اول تجربه واسوا تجربه
رجعتني لشعور الابتدائي
كلنا جربنا وقت الابتدائي نظام الاحزاب وابي هذي ولا ابي ذي
مريييييييين بهاالفتره
يعني بنفسي اقول قسم بالله عيب عيب اللي يسونه
انا بتكلم عن نفسي والله لايوفقني كاني كذبت
ماتجرا احد لقمتين بحلقي واحد قدامي حتى لو اني ماعرفه
حتى لما اطلع كوفي مع صديقه او قريبه وتطلب مثلا
بس قهوه اجبرها تاكل معي من الحلى اللي طالبته انا
خوف ان مامعها فلوس ولا قدرت تشتري حلى
واجبرها واجيب ملعقتين معي
فكنت ابكي بالحمام او اذا رجعت الشقه
كيف فيه ناس كذا!!
كيف فيه ناس قلوبهم قاسيه كذا
يعني لو افسم بالله معي ثانيه وحده
كان قلت ممكن عادي
يعني انا وياهم لكن يشوفوني لحالي
بالمكتب معهم ولحالي اكرف من الظهر لين نص الليل
ولحالي وقت البريك كاني صنم بالمكتب مايقولون تعالي معنا
تعالي سولفي تعالي تقهوي تعالي نطلب اكل
يعني هم كذا مع بعض وش قيه مسوين حزب علي!!
هذا كان كل تفكيري !!