معقول في ناس كذا .. تحب الاهانه

السلام عليكم
بنات انا اعاني من القولون العصبي
بسبب الكتمان ..

انا حبيتكم واحس ان ارائكم صادقة دايماا
لأني افضل من اني افضفض لاشخاص ويستغلون ثقتي فيهم ..
او يجاملوني باراءهم

انا اخترتكم لاني واثقه انكم صادقين 100بالميه

..
المهم .. انا مشكلتي اني ماابي اي احد في الدنيا
يعاديني .. وابي الكل يحترمني ، يعني ماابي عداوات مع احد وانا مسالمه وهادئة لابعد الحدود .. مستحيل اغلط او اهين احد ولا امزح ولا اي شي ..
لكن عندي اشياء اختلفت
مثل اني كنت سابقا .. اذا احد يغلط علي او احصل على اهانه .. اطنش او اني اكتم الغيض ..
وافكر ارجعها ولكني لما احصل فرصه
اتراجع....

كبرت اكثر وصرت اموت اذا احد يغلط علي او يهيني .. مااقدر ماقدررر مع اني اسكت .. لكني
اموت .. واتألم كثيرررررر ..مااتقبل هذا الموضوع
ولكني اسكت .. واحيانا استمرض

وهذه الفترة ..
صرت اخذ حقي .. اي حد يغلط علي ارجعها حالا
ولا ماارتاح .. لكني احس بالندم ..احيانا ..واحيانا ارتاااح ..

ولكن الطبع يغلب التطبع
ماابي عداوااات

وانا مسالمه .. محد يسمع حسي بس مشكلتي
ماقبل احد يغلط علي

يعني في ناس كذا حقودات مرره وربي

اتخيلو ..
كان في بنت دايما تنصح ودايما عندها هي صح والناس كلهم غلط .. مره تغث
كانت تفكر طيبتي معاها غباء وخوف
وكانت تغتابني عند زميلاتي وتقول اني انا ساذجة
وخوافه وماني بصاحيةمع انها عندها عيوب بس
ماتشوف نفسها
واكتشفت هالشي
المهم وهي تستهزأ فيني وانا صابره

لدرجة ان في بنتين اتأثرو بالكلام الي قالته
وصارو يعاملوني باستهزاء

وحده منهم الى الان مضى قريب السنه على هالموضوع ..
تحتقرني احتقار شديد
وتعاملني معامله خايسه
واقسم بجلالة ربي اني مابيني وبينها شي
واحيانا تكلمني وتكون قمة في الاخلاق

يعني صارت معي مزاجية

اخر مره كانت تطلب من البنات مساعده ..
وانا قلت بساعدها .. طنشتني وحقرتني

وكررت عليها وماكأنها تسمع

المهم انا .. انحرق قلبي
والبنت ذيك الي تغتابني طلعتهم على حقيقتهم

فقررت .. اوريهم بكون احقر منهم
وصارت مواقف ولقيت الفرص .. مع ان قلبي
مو مطاوعني .. لكنهم لما رجعو يكلموني
تصرفت زيهم بالضبط .. طنشتهم واحتقرتهم
واكلمهم بنفسسس خايسه .. وجات ذيك تبي اساعدها .. وكنت اطنش واصرفها

الى ان لقيتهم يحترموووني مره ويبون رضاي

هذول غرب

نجي للقرب ..

بنات عمي حقودات مره

يغلطون وعندهم ان حركاتهم مافيها شي
وكله يقولون احنا عفويات

انا تضايقت وسمعت كلام والله شكيت همي
للامي وخواتي وصديقاتي المقربين
قالو قلوب سوده .. الله يشفيهم من الحقد
مره كلام جارح .. تحت مسمى العفويه
ولما زعلت .. طلعو على حقيقتهم ..
وكشفو نفسياتهم

وفي ناس يحتقرونهم من سنين .. زي خوات ازواجهم وبعض بنات العايله ..

ويحترمونهم ويخلونهم على العين والراس

بس انا حاقدين علي وانا قطعت علاقتي فيهم نهائيا
واقسمت اني ماراح ارجع مع ولا وحده فيهم ..
ولا راح اسامحهم لاني في حياتي ماغلطت عليهم
وصار لي سنين اعاني منهم مع ان بيني وبينهم فرق بالعمر انا في بداية العشرين وهم نهاية الثلاثينيات والبعض اقبل على الاربعين
......
في ناس كذا .. ماتبي الاحترام والتقدير
وماتمشي الا بالاحتقار .. او انا غلطانه

ليييييه الي احتقرتهم من بعد احتقارهم لي صارو يقدروني الحين ؟

ياجماعه ماودي اصير كذا موطبعي
بس معقول في ناس كذا ؟

واذا انا تصرفي كان خاطئ مستعده اسمع كل وجهات نظركم

واذا في وحده بتقول لي حرام تقطعين صلة الارحام ..وتقطعين صلتك ببنات عمك
بختصر عليها التعقيب
واقولهاا ... مع ان مغلوط علي ورحت لهم اصالحهم .. وسمعت كلام حرق قلبي .. هو اهانات هو سب وشتيمه وشماته ويقولون لاتحاولين تصالحينا لاتذلين نفسك ..
مانبيك روحي بيتكم وكلااام كثيرررررررر

جعلني مااتوفق لو غلطت بحقهم غلطه ..
ولما قطعت علاقتي فيهم حسيت اني انولدت من جديد .. عشت حياتي بدون مشاااكل وهدووووء وراحة نفسية ...

بصراحه ماودي احتقر الحقيرات
ودي اصير افضل منهم .. بس ماقبل بالاهانه
وهل تتوقعون اذا احتقرتهم احترامهم راح يكون مؤقت ؟ ولا راح يثمنون تصرفاتهم ..
ماحس ان في احد يقبل بالاهانه .. واللي عندهاااا حل افضل او طريقة تعامل مميزه ارجوهااا كل الرجاا تفيدني .. انا تعبت وابي حل
يرضي الله ثم يرضيني ويريح نفسيتي

وتعلمت ان مافي احد ماعنده اعداء
اذا كان الرسول ص كاناعداءه اليهود
فالكل معرض لهذا الامر