السلام عليكم
نصيحتي لساتك طفله ! واتمنى انك ما تثيري الجدل بهيك مواضيع لانها غير مناسبه لسنك ابدا 👎

انتي وصديقاتك جالسين ترددون كلام سامعينه من غيركم واعجبكم وتبنيتوه كرأي ووجهة نظر تمثلكم وهذا شي طبيعي لصغر سنكم وقلة خبرتكم بالحياه
وترى كل الكلام اللي ذكرتيه عن الجلافه والسلبيه في التعامل بين الزوج وزوجته وكأن العلاقه بين سي السيد والخادم نقرأها بس بمواقع التواصل بطريقه مضخمه ومبالغ فيها لكن لو جينا للواقع اللي نعيشه تكاد تكون نادره او قليله هذي التصرفات والعلاقه الأسريه يكون فيها سلاسه ومرونه حتى بالاستئذان والطاعه تكون محدوده وليست فضفاضه مفتوحه
يعني طبيعي لو الزوجه رايحه مشوار تعطي زوجها واهل بيتها خبر مو تطلع وتتركهم يدورون عليها او عندها إلتزامات تهملها عشان تطلع هذا تصرف مو حلو وماله دخل بإنها ماتروح الا بإذن او انه يتحكم فيها
انتي وصديقاتك مشكلتكم توكم بديتو تكتشفون الحياة وكل طرف حاب يثبت وجوده وانه الشخص القوي اللي له صوته المسموع وقضيته بالحياه بتنبني رأي او فكر معين ويتمسك فيه ويدافع عنه لدرجة التعصب وكأنها اخر الدنيا مع ان الموضوع مررره تافه وما يستاهل حتى تناقشونه لان الواقع واضح قدامكم مايحتاج تناقشونه وكل طرف يعاير الثاني وينعته بمسميات مالها داعي نسويه وذكوريه وخرابيط ترى توكم صغار لا تقولون كلام اكبر منكم الله يهديكم

تعودنا على نغمتك
لكن هنا قلتي شي جديد استوقفني وهو إن كل صديقاتك نفس تفكيرك!
طيب إذا الكل كذا أجل من يتابع سبونج بوب ومن يعلب تلبيس بنات ومن يشوف هاري بوتر!

بنتي عمرها ١٢ سنه أتخيلها تتكلم مثلك جتني حموضه وطفح جلدي🙄

هلا رغود سلام عليكم ي عمري . . في سن ١٢ و ١٣ يميلون لسبونج بوب ! لانه احسه للصغار اقل من ١٢ سنة بس سبحان من جيل لجيل يختلف ههههه

شوفي ي بنتي . . الي امره الله وقاله الرسول وهو اعلم بمصلحتنا والخير لنا وفلاحنا ومالنا كلام ولا نقاش فيه .

احين صيام الفريضة رمضان يعني الزوج ماله حق يمنع زوجته تصوم هذي فرض من الله بس صيام تطوع هذي بأذن زوجها بحديث رسول الله صلى الله عليه . . الاستئذان مايصير تدخل احد بيتها بيت الزوجية إلا بعلم زوجها وهذي حق من حقوق الزوج على زوجته معاي . . حتى الرضاعة اذا الزوجة مرضعة وفيه طفل رضيع مو ولدها وتبي ترضعه مثلا امه مريضة او يتيم لازم عليها تخبر زوجها لانه تعرفين يدخل ضمن ولدها من الرضاعة ويكون يدخل على اخواته من الرضاعة مثلا وبكرا يتزوج لازم في علم انه في انساب الموضوع مو لعبة . عرفتي احين انه شرع الله وكلام الرسول فيه الخير لنا مو استحكام هذي علة في الرجل او المراة مو الشرع