معقول كل الرجال خاينين؟

السلام عليكم
بتكلم لكم يابنات بصراحه
انا اخذت زوجي عن علاقه حب احنا اقارب
كنت متوقعه انه يحبني ولا راح يشوف غيري
وكنت مبسوطه اني اخذه عن حب لاني اقول بيدوم لاكن يابنات مالي الا سنه ونص متزوجه
وتوي حامل
وشفت خيانات لما شبعت مكالمات برامج
سناب كله بنات في بنات غير كذا عيونه زايغه
ولا يملاها شي
انا مو ناقصني شي ناعمه جسمي حلو نظيفه عطورات طبخ اسلوب بس مايبين فيه شي مع انه كان قبل يتزوجني ميت يبيني
قسم بالله تعبت من التفكير تعبت من التنبيش وراه
كل ماشفت شي احس قلبي ينحرق وانفس واتمشكل معاه
ونزعل بالاسابيع
ودي اعيش حياة بدون خيانات بدون ماعيونه
ع البنات بدون سفر لوحده مع اصحابه
اخ يابنات بتقولو طنشي كل الرجال كذا
ماقدر ماقدر مشكلتي بس افتش وراه وانبش
وانصدم صدمات وراء بعض ليه الرجال كذا وصخين
هذانا احنا الحريم طيب قليل جدا جدا
حرمه تكون متزوجه وتخون اعوذو بالله
ماسكه نفسها وحافظه نفسها ليه الزوج مايصير زي
الزوجه لو انا بخون وش بيكون ردت فعله
وش بيكون ردت فعل اهلي واهله والمجتمع
اللي محسسينا عادي كل الرجال يخونو وكل الرجال يكلمو
وكل الرجال عيونهم زايغه
تخيلو قبل امس نتكلم انا وامي عن قريبتي
ملكة جمال وتزوج عليها زوجها
انا جلست اسبه اقول هذا وعنده جميله
قالت امي عادي كل الرجال كذا يحبون الحريم!!
يعني معقول بعيش طول عمري انصدم بخيانات؟