معقول ماعندنا مشغل يضبط المكياج مثل بسام فتوح والا احمد القبيسي بدل شغل الاصباغ

سلام ياحلواااااااااااااااات :26:
بنات زواج اخوي في الاجازه الجايه ومرررررررررررررررره محتاره في مشاغل الرياض مااعرف وين اروح

ابغى مشغل يكون شغله حلووووووووووووووووو ورااااااااااااااقي بمعنى الكلمه ولايهمني قد ايش غالي المهم يكون شغل حلو

وطلبي يكون مكياجهم حلو وراقي ومو تخبيص وصبغ سبعمئة لون في بعض ومدري وش :09:

ابغى مكياج حلو يبرز معالم الجمال في الوجه ويخفي العيوب وتكون رسمة العين حلوه وطريقة دمج الاي شدو مرتبه واهم شئ كريم الاساس يكون حلو ورسمة الحواجب تكون مودرن يعني زي طريقة الميك اب تبع اللبنانيات يعني معقول مافي عندنا مشغل بالرياض يقدر يضبط المكياج مثلهم والله قهرررررررررررر:(

يعني يانطق من ذا الخليجي على قولتهم ونتحول الى مهرجين والا نصلح نفسنا بنفسنا مافي حل وسط
تصدقون ماقد رحت زواج واعجبني مكياج اي وحده وانا منهم لانهم يكونوا كلهم طقم بعض العين حولها مية لون وواصل للخد والخشم منحوت لين قال بس ضعيف وعليه من اللمع الابيض اللي يبرق برق والروج اللهم ياكافي والبلاشر من تحت العين وانتي نازله والوجه يهت من هالبودره البيضااااااااااااء اللي تقل طحين
نفسي افهم وين مفهوم الجمال في هذا الشئ :09:

والله اني اروح المشاغل وانا وش زيني وش حلاتي واختار اطلق مكياج من المجلات اللي عندهم وتسدحني الكوافيره وطول ماهي تحوس في وجهي وانا اتخيل ذاك المكياج اللي تسويه اللحين قلت بس بسام فتوح بيقعد في البيت :32:
واذا خلصت وقمت اشوف :09:
يعني نهائي ماله علاقه باللي طلبته استغفر الله بس :(
وتحسبون اني اروح مشاغل رخيصه لا والله رحت مشغل ريما في جده والمقينه والعنايه الملكيه واشياء كثير والمشكله الاكبر يعجب الناس ويسالوني وين سويتيه ومدري ايش بس انا لالالالالالا لان ذوقي مو كذا ابد


معليش طولت بنات بس ابغى احكيلكم معاناتي مع المشاغل والزبده اني ابغى مشغل في الرياض يضبط المكياج والتساريح وتكون مررررررررررررره مودرن وستايل لبناني اهم شئ الله يخليكم والله

و اللي تدلني وهي صادقه واجربهم ويطلعوا كويسين والله لاتصدق عنها وادعيلها :icon33: