معقول هذي اعراضه فعلا

اذا التحاليل والفحوصات الطبيه كانت نتيجتها انه عندك نقص فيتامين ب 12
تابعي مع الطبيب حسب العلاج اللي يوصفه لك سواء كبسولات او أبره لانه اكيد راح يعطيك حسب نسبة النقص
واتذكر اني قلت في موضوع سابق انه طالما المعده والامعاء والقولون فيها مشاكل وماعالجتيها ورممتيها شي طبيعي ان جسمك يصعب عليه يمتص اغلب الفيتامينات والمعادن مو بس فيتامين ب 12 للاسف لان سبحان الله كل فيتامين ومعدن مرتبط امتصاصه بالجسم بوجود باقي الفيتامينات والمعادن
لما تاخذين مكملات ب 12 عن طريق أبره ويرجع لمستواه الطبيعي لازم تفكرين جدياً بالحميه العلاجيه اللي وضحتها لك وتاخذين معاها كبسولات بكتيريا نافعه واستمري على الحميه كم شهر وابعدي عن الجلوتين والسكر والحليب ريحي معدتك وامعائك عشان ماتتهيج وتلتهب وتتعبك وتعطل الامتصاص
ترى فيتامين ب12 مرتبط بشكل كبير بالاعصاب عشان كذا اللي معه نقص يحس بخدر ووخز في اطرافه
وكذلك مرتبط بإمتصاص الحديد يعني طالما ب12 ناقص الحديد كذلك ينقص لان جسمك مايقدر يمتصه بدونه ويصير معك انيميا نقص الحديد
والجسم اذا مافيه حديد يجيب خفقان بالقلب وتعب شديد وصعوبة تنفس واوجاع بالصدر
هذا غير المزاج والنفسيه التعبانه
توكلي على الله وكملي العلاج مع الطبيب على الاقل يرفع عندك المخزون شوي
وبهذا الوقت اتبعي الحميه الخاليه من الجلوتين والحليب والمعلبات والسكر خلي امعائك تترمم ويخف منها الالتهاب