معقوول كل اسبوع تجتمعوا ببيت الاهل او اهل الزوج!/ استوفى

الأسرة والمجتمع

يسعد مسائكم جميعا...

بنات انا مطلقة وببيت اهلي ماعندنا شغالة

كل اسبوع تقريبا يجتمعون عندنا اخواني وثنتين من اخواتي

ومررررره اطفال كثيييير وازعاج وحوووسه غير التكلف

ولاحتى امي وابوي يجلسون معاهم براحتهم مره مع الاولاد ومره مع حريمهم

واستراحات غااااااااااااااالية ماقدروا ياخذون


انا استغرب كيف الناس تجتمع كل اسبوع والتعب هذا كلله

صحيح لازم زيارة الاهل لكن اذا مايزورون الا بزوجاتهم

انا اقترحت كل اسبوع يكون الدور على واحد من اخواني وعياله يجي والاسبوع اللي بعده الاخ الثاني واللي بعده الثالث وهكذا..
واسبوع للبنات..
منها مافي ازعاج وحوسه ومنها يجلسون مع الام والاب براحتهم

واجتماع لكلل الاسرة مثلا نجتمع مره بالشهر باستراحة كل العائلة اولاد وبنات مع عيالهم

بقية الاسابيع كل اسبوع واحد دوره يجي عند الاهل



اش رايكم ؟؟؟ ابي افاتحهم بالموضوع هذا


ولاتقولوا مانبي احد لا والله

لكن من يتحمل هالفوضى والازعاج

اكثر من 15 طفل:pinklove:
74
15K

هذا الموضوع مغلق.

حان الفراق
حان الفراق
والله ماالومك
الأنانية
الأنانية
ليش طيب ما يكون التجمع بدون تَكَلف؟
انحن زي نظامكم بس الي يختلف مانتكلف ابدا ونجي ونروح كننا ماجينا البيت يكون انظف من يوم نجي كيف طريقتنا...

نتجمع بعد العشاء نجلس مع بعض بدون قهوة ولا شاهي ولا شي وبعدين اذا جا وقت الاكل نحط شي خفيف والله احيان يكون بس نواشف ونحطها باطباق بلاستك ونلم السفرة مع بعض وننظف كل شي
واحيان يكون شي ثقيل شوي طعمية او الطازج او اي شي من مطعم مانكلف على احد بشي ولا حتى نتقهوى ولا شي اصلا مانشتهي القهوة بالليل وورانا دوامات
وبعد العشاء نجلس نسمر بدون اكل موب لازم اكل اكل اكل بكل شي
والي تبي شاهي تروح تصلح لها كوب لحالها او اذا الكل يبي شاهي وحده منهم تصلح للكل بترمس وقبل نطلع ننظف الاكواب والفناجيل ونجفف الكاسات
وممكن بعد العشاء تحطون فواكة وكل واحد يقطع بنفسه مو لازم التكلفه والتعب من مبداء اخدم نفسك بنفسك

صدقيني كذا بتتونسين بزيارتهم وماراح تشيلين هم بس المشكله تطبيق هالفكرة صعب اذا هم متعودين على نظام اكل وامسح يدي بالجدران وامشي :(
حاولي خلي ابوك يقول اول ما تجتمعون خلونا نطبق هالفكرة لأن التكلف الزايد ما ينفع وانتم بحسبت بناتي ماشوفكم زوجات عيالي

وكمان فكرتك حلوه بس مكلفه مادياً وخاصه ان اخوانك اكيد عندهم التزامات واقساط وو الخ
اذا يقدرون بدون حرج استأجروا استراحه كل شهر ممتاز
منجو
منجو
شوفي يا قلبي هالشي رااااجع لمدى تقبلهم الفكره
مثلا إذا يتقبلون منك وماراح ياخذونها بحساسيه خلاص قوليها
وإذا بيصير فيها زعل عليك ناقشي الوالده وخليها تفتح الموضوع معهم
وإنه من باب التغيير وكذا يعني لا تجيبون طاري الإزعاج والتكلف حتى ما يتضايق أحد
حنا نجتمع بس مافيها تكلف ولا نطول يعني قهوه وشاي وبسسس ساعة زمان
وكلن يتوكل على بيته هذا عند أهل زوجي عند أهلي نجتمع وممكن كل مره واحد
يجيب العشاء يعني يكون فيه مشاركه و مو دايم الأطفال يحضرون
العزعنواني
العزعنواني
إحنا نتجمع كل أسبوع عند أهل زوجي و أطفال كثير ما شاءالله بس عادي اللي تقدر تجيب معها قهوه وحلا واللي ما تقدر عادي الشاي أي وحده تقوم تسوي... الكاسات و الصحون أي وحده تنظف والعشا غالبا من بره و نكنس البيت و ما نطلع إلا و البيت نظيف لأن اطفالنا اللي خربوه..
lolo 110
lolo 110
انا مع فكرة انه خواتك يجتمعون بيوم والشباب بيوم

لاني احب اجتمع مع خواتي وبوجود اخواني ماناخذ راحتنا بالكلام ضحك واستهبال

بس شوفي ليش تختارون يوم محدد؟
انا واختي المتزوجة نروح لدار اهلي حسب فضاوتنا ومانحدد يوم ومرات صدفة نلتقي
ومرة بالشهر ننام عند اهلي يوم كتغيير جو

في النهاية حابة اقلك استمتعي بهالجمعات وانسي الشغل في غيركم كثير يتمنى مثل هالقعدات العائلية
اخواني متغربين وكل واحد بجهة ونتمنى نجتمع كلنا مرة بالسنة!!
فلا تتضايقي وعيشي اللحظة غيركم محرومين منها