نكمل
ثالث شي السووق احلا شي :32:
السووق مني مررررررااا حلوو(على قولت خواتي السعوديات ياااااي احبهم و احب كلامهم عسللل):33:
ويسموونه city center و المحلالات واايد حلوا و ارخص من لندن و كلها يم بعض يعني مثل
شااارع (بدوون سيارات) وطويييييل و بالسيتي اكو مجمع اسمه Eldon Gardens وااايد محلات
داخله شعد و شخلي ( انا ساكنة ورااه وناااسة و انا رايحة الجامعة ادشه و انا راده ادشه ):32:
بقووولج عن بعض المحلات عندنا
Lasenza/ Next/ Bhs/ Oasis/ MoonSon/ Bay/ New Look/ Virgen
هذا كله DVD'S/ H&M/ French Connection/ Karrin Millen (هذاا ماركة و غااالي و رااقي)
و غيرها و غيرها.
اكوو عندنا مجمع كله ماركاات اسمه Cruse كرووز كله ماركااات قوتشي و ارماني الخ هم هذا بالسيتي.
عندنا مكتبة بعد اسمها WH Smith
ووو شنوو بعد؟؟؟ اي عندناا محلييين من طقت هاروودز بلندن
الاول اسمه جون لويس John Louis هذا يهبل يبيع مكياج عطوور ملابس من نفس اسم المحل و
ماركاات و جنط ونظاراات و اكسسوارات الخ طبعا رجال و نساء و اطفاال بعد و هم اجهزة و اثاث.
و الثاني نفسه اسمه فينيكFenwick و هذا عنده ماك الزيااادة فيه اكو Food Store هذا اكله غالي و High Quality شي شي اوكي.
وطبعا مطاعم ماكدونالدز و كنتاكي و برجر كننج بس طبعا مو حلال.
و ستار بوكس و وااااايد كوفي شووبز.
طبعا وانتي تكملين الشاارع اكوو مجمع اسمه The Gate هذا فيه سينما و فيه مطعم ناندوز حلال
و هو مشهوور اكله كله دياي و لذيييييييذ انا و زوجي نحبه واايد يعني بس نبي نرووح موفي نتغدا
و ندش سينما
و بعد شنوو؟؟
اي عندنا محل اللللللللللللللللله يهبللللل اينن شقوول و شوصف
لذيييييييييييييييييييييييييييي يييييييييييييييييييييييييييييي يييييييذ تدرين شيبيع؟؟
كوكيييييييز مو اي كوكيييييييز احلا و الذ و اترف كوووكييز ذقته بحياااتي و بشهادة اهلي و اهل زوجيي الي ياو مني زارووناا ذاقووه و كل ما رديييت الكوييت اييب حق بيتنا و بيت اهل زوجي و اسمه
Milli's Cookies
:23:
احلا شي بنيوكاسل اهوااا والله يذوووووب بالحلج من ترفه
اوكي هذا الي في بالي عن السووق الي بالسيتي
عندنا مجمع الي مشهوووور عندنا من كل اوروبا اييونه واهواا
Metro Center
و هذا مجمع كبييييييييييييييييييير كبيييييييييييييير و اهوا اربع اقساام و اكبر من السيتي تخيلي يبيلج على الاقل 4 اياام عشان تخلصينه
فيه كل المحلات الي بالسيتي و زيااااادة كل محل يخطر ببالج موجوود
و مطااااااعم و سينما
و فيه يمه و اهوا نفسه مجمع العاااااااااب حق اليهاال عشان يستانسووووووون ايبها
انا و زوجي نلعب بعد يااااي وناسه :42:
و هذا تروحيله بالقطاار يمكن 10 دقائق او بالباص 20 دقيقه او اذا عندج سياره تروحينه بس التاكسي واااااايد غالي
هذا بالنسبة للسووووق
و بقولج عن الجمعيااات الي مني و من وين نشتري الماجله و اللحم و الديااي الحلال عشااان الطبخ:cook:
اكوو الله يسلمج جمعيه كبيييييييييييررة اسمها Tesco تبيع كل شي يعني مثل كارفور و مركز سلطان بالكويت.
والثاني Asda نفس الشي اوكي
و اذا تبين اللحم وو الدياي الحلال و البهارات العربية و سوالف الطبخ العربي من عيش و طحين و ماش و عدس و عجينه السمبوسه و هالسواللف
اكو الباكستاني اسمه حاجي مصطفى ومحله اسمه Brighton Grove و اهوا بالمنطقة الي فيها واااااااااايد مسلمين و سعوديين و عرب . و بنفس المنطقة اكو واحد ثاني يبيع حلال و اسمه
Madinah مدينة وهذا انا اشتري منه لحمه اطيب من حاجي مصطفى.
هذا كل شي عن السوق و الاكل
ياقلبي هذا الي في بالي الحييين
سامحيني على القصووور حبيبتي تراني قاعدة اجهز حق ردتي الكويت لان سفرتي السبت و عندي امتحان باجر و هالاسبووع كله امتحانات بس ما هنتي علي قلت الا اساعدج بلي اقدر عليه و ابي منج دعوا حلوا مثلج بس :)
وحبيت اقولج تطمني من ناحية المنطقة لا تحاتين و توكلي على الله
وسلامتج
عشان ما تزعلين:26:
بالتوفيييق
april_4
•
الصفحة الأخيرة
والله انا داخلة عالطاير بس اتسلى و ارد اشتغل ولا اشوف موضوعج و حبيت اساعدج
ياقلبي انتي لا تزعلين لا تاخذين بخاطرج و ابيج تعذرين البنات
تدرين مشاغل بالغربة لا تواخذينهم:)
شوفي ياقلبي انا كويتية و ييت نيوكاسل شهر 6/2006
مع زوجي لان يدرس مني:arb:
وانا بعد طالبة بسنة اولى جامعة:27:
و بقرق عليج شوية و اقولج كل شي اعرفه عن نيوكاسل
و هم البنات انشالله يستفيدون من المعلومات البسيطة
قبل كل شي
سؤااال ملقوووف انتي بتيين بروحج ولا مع زوجج ؟؟؟:p
المنطقة مني حلوااااااااااا تيينن و هادية مو busy مثل مانشيستر و لندن و فيها نهر الللللله ياكبراا
ماشالله و شحلاته حق التمشي و يصير اخر السيتي
و المنطقة يالصيف جوها حلو و بالربيع رووووووووعة براااد و بالشتا بررررررررد
هالسنة طق ثلللج بس خفيييييف شحلالالاته طق شهر 3
اول شي السكن
انا لاني بس مع زوجي نسكن بالسيتي بشقه صغيرة غرفتين و حمام عزج الله ومطبخ و صاله و الشقة
بمجمع او بناية. و اقرب علينا للجامعه و السوق ورا شقتي وناااااااااااااااااااااااااااا اااااسه :42:
بس العوايل الي اشوفهم يسكنووون في منطقتين (يتركزوون مناك)
Kingeston Parck هذي الي سمعت عنه فيها النادي السعودي و واااايد سعوديين مناااااااك
وااااااايد ماشاالله. و السكن يكون بيوت و الاسعااار ارخص من السيتي.
Fenham هذي المنطقة وااااااااااايد رخييييصة و المسلمييييييين فيها ماشالله وااااااايد فييها
سعوديين و هنود و باكستانيين يعني الحجاب و النقاب و البوشية بعد شي مألوف لوووووووووول:55:
هذوله المنطقتين المشهوورة عند العرب مني في نيوكاسل
ثاني شي الدراسة
في نيوكاسل اكو جامعتين
NewCastle University
هذي 5 ستار و احسن الجامعات مني بس شوي صعبه
الثانية
Northumbira University
هذي 3 ستار و اسهل من نيوكاسل بس طبعا الشهادة مو احسن منها و وااايد عرب و كويتيين و
سعوديين و بحريينيين و اماراتيين ماشالله والقطريين فيها
انا و زوجي ندرس بجامعة نيوكاسل
اكو بعد NewCastle College هذي الله يسلمج كلية فيها يدرسون فاونديشن و لغة و كورسات
ازياء و موسيقا و مكياج الخ.... يعني الي يبي يبتعث يدزونه يدرس فاونديشن مناك قبل الجامعه الا الي
عنده قبووول من الجامعات.
الحلو فيها انه فيها حضاانة حق بيبيات:23: يعني اذا الام طالبة تقدر تدرس و تخلي ولدها بحضانة الكلية
و اذا مو عاجبتج الحضانة اكو يم الكلية حضانات ثانيين و كله طبعا بفلووس كااش ياخذون على الساعه
والدوااام الله يسلمج يبدي بجامعتنا من 9 و ينتهي اقصى مدة انتهاء الدوام 4,30 طبعا كل ستيودنت و
التايم تيبل ماله و اكو Lunch Brake و هذا البريك من الساعة 12 الى الساعة 1 .
و اي سؤال في بالج قولي لا تستحين حبيبتي:33:
يتبع