معكرونة الاصداف الكبيرة بحشوة الدجاج المفروم

معكرونة الاصداف الكبيرة بحشوة الدجاج المفروم


المقادير

علبة معكرونة اصداف جمبو

صحن دجاج مفروم

بصلة مفرومة

فص ثوم مفروم

علبة وبينج كريم (( العلبة الزرقا ))

جبن مبشور

صلصة راجو

جبن شيدر

بقدونس

جلجلان

بصل اخضر مقطع شرايح صغيرة

شبت


البهارات :

فلفل اسود + ملح + فلفل احمر +4 اعواد مسمار


الطريقة:

اسلقي المعكرونة في ماء مع قليل من الزيت اذا استوت تغسلينها في ماي بارد ومن ثم حطيها في صينيه علشان ما تلزق في بعض



الحشوة:


حطي زيت في المقلاة ونزلي علية البصل المفروم مع الثوم ورشي علية القليل من الفلفل الاحمر ومن ثم حطي الدجاج وقلبي وبعدها حطي المسمار وافلفل الاسود والملح وقلبي لما تحسين انه الدجاج بتدى يستوي حطي ملعقتين صلصة راجو وملعقة جبن شدر ورشي القليل من البقدونس والشبت والجلجلان والبصل الاخضر وقلبي لما تستوي الخلطة شيليها من على النار

اضافة اذا تحبونها انا اول مره احطها بس عطت طعم حلو (( صلصة الافوكادو بالثوم )) تقريبا ملعقتين كبار



احشي الاصداف بالحشوة الدجاج وصفيهم في البايركس



على النار حطي الوبينج كريم مع 3 ملاعق اكل صلصة راجو لاملعقة كبيرة جبن شدر والقليل من الجبن المبشور ملح وفلفل اسود ونصف كوب ماء والقليل من الاورجانو خليه على النار لين يغلي طفي النار


وصبي الخلطه على الاصداف بحيث تغطيها ورشي البصل الاخضر والبقدونس على الوجه مع الجبن المبشور والقليل من الاورجانو


يدخل الفرن بعد ما يغطى بالقصدير

بعد نصف ساعه يكشف عنه القصدير علشان يستوي من فوق



وبالهنا والعافية




الكلام وايد بس ما تاخذ وقت وسهلة :)



وان شاء الله تعجبكم