المقادير
*معكرونة مسلوقة النوع اللي بتحبيه
*خضار :
جزر
سلاري(كرفس)
فلفل حلو
سبانخ
بصل
ثوم
*بهارات:
البهارات السبعة
كزبرة
كاري
ماجي
*الباشاميل:
3 كاسات حليب طازج
وتقريبا لكل كاسة حليب معلقة طحين
شوية زبدة
* للزينة : :42:
جبنة موزريلا
زيتون
اول شي بنبدا بالبصل والثوم
وبس يبدو يدبلوا بنضيف الخضار .. ما عدا السبانخ
V
وبس تستوي او تطرى الخضار شوي .. بنضيف السبانخ فوقهم
مع نص معلقة ماجي(النوع المطحون) وشوية بهارات
وبنتركهم على نار هادئة اقرب للتوسط
وبنبلش نشتغل بالباشاميل
طريقتي سهلة جدا ولا يمكن يتكتل معي ابدا لانه ببساطة بدوب كمية الطحين بالحليب قبل ما احطه على النار .. وبس يتقل بحط شوية زبدة لحتى يصير قوامه كريمي (وكمية من جبنة الموتزريلا المبشورة) .. وبعدها الماجي وبقية البهارات
بنحط كمية من المعكرونة بصينية البايريكس .. وفوقها كمية من الباشاميل
بعدين فوقهم الخضار
وطبعا بقية المعكرونة .. وبقية الباشاميل
وبنرش الوجه بالجبنة
وبنزين باللي بدنا ياه ( الزيتون بنتي بتحبو لهيك اخترته وما توقعت يكون لذيذ هالقد معها..وهي فرحت لانه زينت معي :42: )
والجزر
والنتيجة .. شكل بيجنن وطعم اطيببب بكتيير
ان شالله يعجبكم .. واسمع دعواتكم الحلوة متلكم