معكرونة بالدجاج والشيبس

هدى الطريقة كنت محتفظة فيها من زمان واليوم عملتها وعجبت كل اهل البيت وقلت ابعتلكم اياها

125 غ معكرونة حلزونية
175 غ بروكلى
75 غ زبدة
2 م ك زيت
نصف كيلو دجاج مسحب ومقطع مربعات
25 غ دقيق
2 كوب حليب سائل
50 غ شيبس بطاطا
50 غ جبن شيدر


اسلقى المعكرونة بماء مملحة 4 الى 5 دقايق بعدين ضيفى الخضار وخليهم كمان 5 دقايق او حتى يستووا منيح . بتصفيهم وبتخليهم سخنين (غطيهم)
حتى ينسلقوا بنكون حطينا زيت وزبدة وحمرنا الدجاج بطنجرة حتى يصيروا ذهبي بنشيلهم عن الزبدة وبنحط بنفس الطنجرة الطحين وبنحرك شوى بعدين الحليب مع التحريك حتى نحصل على بشاميل .
بنحط المعكرونة والبروكلي والدجاج وبنطبخهم مع الصلصة 3 الى 4 دقائق ثم يصب الخليط في بايركس ويرتب الشيبس على الوجه ويرش الجبنة وبنشوى وجه حتى تذوب الجبنة
بتتاكل سخنه وصحتين وعافيه بدى رايكم فيها