اختي فديتها سوته وعجبني وخذت طريقته وطبقته على طول
وطلع يجنن بدون مبالغه ..جربوا وشوفوا ...
اول شي بخليكم مع الصور .. للاسف اني ماصورت المراحل ..
والحين نجي للمقادير:
صدود دجاج (مسلوقه ومفتته )_ انا سويت صدر دجاجه بس ..
بصلتين -فلفل اخضر ( شوي ) -فص ثوم - ( خضار مسلوقه نصف سلق مثل جزر وزهره وكوسا مقطع قطع صغيره ) -بهارات - ملح -
كيس مكرونه ( مسلوقه ومحضره مسبقا )
علبه كبيره ويبنج كريم ( العلبه الزرقا ء ) للاسف ماصورتها :(
وعلبتين قشطه - مازرولا ( لتغطيه الوجه )
الطريقه :
طبعا الدجاج مسلوق وجاهز ...والمكرونه بعد ..والخضااار
نضع البصل على النار مع القليل من الزيت ونحمره ومن ثم نضيف الفلفل البارد
ومن ثم نضيف الثوم ..والدجاج ..ونستمر بالتقليب حتى لايلصق الدجاج بالجدر
ومن ثم نضع الملح والبهارات الي حابه تضيفينها
ونضيف المكرونه المسلوقه ,, وعلى طول نضيف الويبنج كريم والقشطه
وتترك لتتسبك على النار لمده عشر دقائق فقط
وننقلها لبايركس ونضع على الوجه جبنه مازرولا ... وتحمر من تحت لمده عشر دقائق فقط عشان تنشف شوووي ومن فوق يحمر الوجه
اسمحولي اول مره اشرح طبخه طويله كذا احسن اني عفست الدنيا ..
جربوها والله انها لذيذه ...
اول ما اجربها راح اقوللك
وعلى فكره لو حطيتي مع البصل زبده بدل الزيت يطلع اروع
:)