اليوم جايبتلكم طبخة ايطالية لذيذة جدا وجديدة اسمها معكرونة بولونيز رح تعجبكم كتير
نبدا باسم الله ما قدرت اصور الخطوات كلها لاني كنت كتير مستعجلة بس اخدت كم صورة عالسريع يا رب يعجبوكم
المقادير حسب طبختك هي المقادير لطبخة صغيرة
2 او 3 فصوص ثوم
1بصلة كبيرة شوي
1فليفلة حمراء
1باذنجان او نص باذنجانة كبيرة
3 او 4 ملاعق معجون طماطم حسب كيف بتحبيها طقيلة او خفيفة
نعنع اخضر مفروم
بقدونس ربع كوب مفروم
حبق مفروم
ملح بهار
معكرونة عريضة شوي
الطريقة
نسلق المكرونة لحد ما تستوي
طريقة الصلصة
قشري الباذنجان وقطعيه مكعبات صغيرة واقليه وخليه على جنب
دقي الثوم ناعم والفليفلة والبصل قطعيها شرائح رفيعة ثم اقلي الثوم والبصل والفليفلة مع بعض بشوية زيت وبس يستوا زيدي عليهم الباذنجان المقلي ومعجون الطماطم وبس يبدوا بالغليان اضيفي النعنع طبعا بكون مفروم والحبق والبقدونس كمان افرميهم وزيديهم على الصلصة ورشي الملح والبهار اغليهم شوي لحد ما تعقد الصلصة
ثم اضيفي المعكرونة المسلوقة فوق الصلصة حركيهم شوي وارفعيها عن النار
وصارت جاهزة للاكل قدميها مع قليل من جبنة البارمزان المبشورة على الوجه وتذوقي احلى معكرونة والله ما بتندموا
ان شاء الله تعجبكم
يسلموا الايادي
مبين انها لذيذة