السلام عليكم ورحمة الله وبركاته
كيفك بنات اليوم جبت لكم طبخة من إبتكاري الخاص تخليك تاكلين أصابعك وراها طبخة روعه - لذيذة - صحية - وماتزيد الدهون بالجسم.
أسمها معكرونة مرجلوني سميتها بهذا الأسم عشان تنعرف فيه>>>>>>يقالك أشهر طباخة بالعالم>>>وإن شاء **** راح تنتشر...
معكرونة مرجلوني
المقاديـــــــر:
- أربع صدور دجاج بدون عظم ومقطة إما مكعبات أو طولية.
- واحد بصلة تكون أكبر من المتوسطة بشوي ومقطعة شرايح .
- ثلاث حبات من القرع الصيفي وهذا لونه أخضر شبية بالخيار وتقطع مكعبات متوسطة الحجم.
- أثنين فلفل رومي أصفر - أحمر وتقطع شرائح طولية ونشيل اللب.
- أثنين بيذنجان واحدة كبيرة والأخرى متوسطة الحجم ونقطعها مكعبات نفس الشي.
- علبة من البندورة إلي تجي حبات صغار في علبة بلاستك.
- مجموعة من البهارات ( ملح- فلفل أسود - ماجي - بهار ).
- فصين صغار من الثوم حسب الرغبة (يكون مه شوي زيت زيتون في الفرن لمدة ربع ساعة )
- واحد كيس معكرونة إلي شكله أسطواني حاده من الأطراف.
- زيت زيتون.
الطريقة:
- نسلق المعكرونة في ماء وشوي زيت وملح .
- نجيب صينية فرن المعدن تكون مستطيلة تعرفونها حقت الكيك العادي ونحط فيها قطع البيذنجان والقرع والفلفل الرومي زنرش علية شوية ملح وفلفل أسود ونمشي عليه زيت الزيتون من فوق وندخلها الفرن لمدة ربع ساعة إلين ماتحسيها لينه ومتشربة الزيت والملح.
- نجيب كمان الطماطم الصغار ونحطحم كمان في صينية معدن ونرش عليهم شوية ملح فلفل أسود وزيت زيتون ونحطه بالفرن جنب الصينية إلي قبلها لما تطلعينها يكون شكلها كأنها مفقوعة.
- ناخذ البصل ونحطة في مقلاة مع زيت شوي إلين مايشقر لونه ونضيف الدجاج والبهار والماجي والفلفل الأسود والملح إلين يستوي ونطفي علية .
- سكري على الفرن وطلعي صينية الطماطم والثانية خليها داخل عشان الحرارة , جيبي الثوم إلي دخلتية أول الفرن وحطية في بادية مع ملح وفلفل أسود شوي وحطي معة الطماطم وحركية زين إلين مايتداخل المزيج.
- جيبي المعكرونة بعد السلق وحطي معاها خلطة الدجاج والخضار إلي بالصينية وخلطيهم ورشي فيها جبن البارمجان المبشور تلقينه في جيان محلات الجبن ,أخلطي معاها صوص الطماطم وحطيهم بالقدر على حرارة منخفضة وحركية شوي وقدمية مع بثر البقدونس للتزيين.
وبالهنا والشفاء
معليش حبيباتي كثرت عليكم بس صدقوني راح يفوتكم نص عمركم لو ماذقتوها لأنها مرة لذيذة وريحتها تشهي .
$@ نجمة سهيل@$ @ngm_shyl_13
عضوة جديدة
يلزم عليك تسجيل الدخول أولًا لكتابة تعليق.
ت و ت و
•
روعــــــــــــه
الصفحة الأخيرة