انا علاقتي مش ولا بد بالمطبخ
بس فكرت مرة وسويت هالمعكرونه
<<<<<( قالت لازم تحسن علاقتها بالمطبخ )
المهم سويت المعكرونه وحطيت عليها شوية اخترعات من عندي
طلعت وااااااااااااااااااااااااو
ومازال الطلب عليها مستمر
وشرفتني قدام اهلي واهل زوجي
وهذه صورتها .......اغريكم عشان تابعون معاي الطبق
اول شئ تسلقون المعكرونه + ملح وشوية زيت
في مقلاة تقطعون بصل صغير + فلفل اخضر بارد صغير + جزر مبشور +زيت + حبة ماجي +ملح
تضيفون عليها شاورما دجاج الجاهزة من ساديا او امريكانا ثنيناتهم حلوين
او دجاج انتي تسوينه براحتك ....انا استخدم الشاورما لانها اسهل
تخلطونهم عدل مدل وتضبطون الملح وتحطين معكرونتك اللي جهزتها
وبالاخير تضيفون علبه كريمة انا احب ماركة كي دي دي
وهذا شكل المعكرونه بعد ما خلصت بعد اضافة الكريمة
نحط المعرونه بالبايركس ونفردها بهذا الشكل
نجيب واحد قيمر (قشطة) كي دي دي صغير + 3 ملاعق جبن المراعي الازرق (لذيذ وسايح) + ملعقة مايونيز
ونخلطهم مع بعض ....مثل ماتشوفون
بعدين نحط الخلطه هذه على المعكرونه بالبايركس
اخر شئ نحط شوية جبن موتزريلا .....انا احب ماركة المراعي حلوة الموتزريلا مالتهم
ندخلها الفرن ونشغله من فوق بس 3 - 5 دقايق لحد ماتحمر الموتزريلا ......وشوفوا النتيجه
وبالعاااااااااااااااااااااااااااااااااافيه
جربوها بسيطه وحلوة وماراح تندمون :39: