اخيرا راح انزل لكم طبخه وافيدكم مثل ماستفدت واااايد من هالمنتدى
هالمعكرونه خذت طريقتها من مرت اخوي ووايد سهله وادمنت عليها :27:
نبدى بالمقادير
معكرونه مسلوقه - كريمه خفق - 3صدور دجاج مقطعه صغير
سبانخ مفرومه انا خذت المثلجه - خضار مشكله الي تحبينه ممكن
زهره وخيار وطماط انا حطيت بس كوسه وبطاطس- جبنه موزريلا
وطبعا ثوم وبصل بس ماصورتهم
نحط البصل يتحمر في القدر وبعدها نحط ثوم نحمرهم شوي الين
يصير لونه ذهبي وبعدها نحط الدجاج عليه
ومايحتاج نحط بهار وايد شويه كمون وفلفل اسود
نقلبه شوي وعقب نحط السبانخ والخضار
نتم نقلبهم شوي تقريبا 10 دقايق علشان يبدى ينضج الدجاج والخضار
وطبعا الحين نحط عليهم المعكرونه ونقلبهم مده خمس دقايق
وعقب نحطها في صينيه بايركس ونصب عليها كريمه الخفق
ونرشها بالجبنه
يـــــتـــــبــــع
وهذي صورتها بدت تتحمر ومادري شفيه الجبن ماذاب فشلني
وهذي بعد طلعتها من الفرن
اتمنى تعجبكم وهي وايد لذيذه لدرجه اني اشتهيتها وانا انزل الموضوع وسهله ماتاخذ وقت
وطبعا الي تبي تنقلها براحتها
مابي منكم الا دعوه حلوه منكم
والله يسعدكم دنيا واخره ياحلى منتدى وعضوات :35: