معكرونه على طريقتيي الخااصه

السلااام عليكم ورحمة الله وبركاته

اليوم عندي لكم طبخه وهي المعكرونه بالطريقه اللي انا اسويهاا.. بس حق اللي يحب الأكل الحاار.. واذا تبون تسونها وما تحبون الفلفل الاخضر الحاار شلووه من القائمه..

المقادير:

معكرونه
2 طمااطم
مجموعه من الباميا
مجموعه من الفاصوليا الخضراا
نص فلفل اخضر البارد
1 بطاطس
2 فلفل اخضر الحاار
نص بصله
كركم
توابل
ملح
نص قطعه ماجي
معجون طماطم

الطريقه:

احضري قدراً واضيفي فيه الماء وضعي ملعقتين صغيرتين من الملح وملعقه صغيره زيت على الماء وهو في القدر عشاان ما تلتصق المعكرونه على بعضهاا.. ضعيه على النار حتى الغلياان. عندما ترين الماء يغلي اضيفي المعكرونه وحركيها من فتره لآخرها لمده 10دقائق. يمكنك معرفة اذا صارت المعكرونه ولاا لاا عن طريق اخذ حبه واحده من المعكرونه وتذوقهاا أو الضغط عليهاا. وفي هذا الوقت الذي تغلي فيه المعكرونه قطعي الباميا و الفاصوليا والبطاطس واضيفي عليهم الماء ثم ضعيهم على النار. بعدين قطعي الطمااطم و الفلفل الاخضر البارد والحاار والبصله.. بعد ما تخلص المعكرونه صفي الماء عنها وضعيها على جنب ثم صفي الباميا والفاصوليا والبطاطس بعد ما يخلص.. احضري قدر فاضي وحطيه على نار متوسطه وبعدين حطي شوية زيت. بعدين حطي البصل وحمريه شويه ثم الطماطم وباقي الخضرا اللي عندج. حطي ملعقه صغيره ملح وملعقه كركم و ملعقه توابل (بزاار) واضيفي عليهم ملعقتين من معجون الطماطم.. اخلطي المقادير هاي كلهاا وهي على الناار لين ما يستوي عندج مثل الصلصه بس ناشفه شوي بعدين اذا تبين حطي المعكرونه عليهم واخلطيهم مع بعض أو حطي المعكرونه في صحن ومن فوقه حطي هالصلصه بتطلع لج مثل المعكرونه الايطاليه بالصلصه..

انشاء الله تضبطونهاا وتعجبكم وبالعافيه عليكم