معكرونيه دجاج و خضار بصلصة الكاتشب ب9 خطوات

اعذروني انا بكتب بالكويتي........ :04:

أول شي المقادير:-
2 بيديان
2 كوسى
1بصل
3صدور دجاج بدون عظم و بدون جلد
2 فص ثوم
1 ملعقة شاي فلفل اسود
1ملعقه ملح
1 ملعقه كبيره زنجبيل مهروس
3 ملاعق ليمون
6 ملاعق صبار (ماي الصبار(تمر هندي) عقب ما تنقعونه )
1 ملعقة شاي بهار كاري(بهار هندي)
كوب واحد كتشب ماجي بارد
نصف كوب كتشب ماجي حار بالثوم
معكرونيه


.....طولت عليكم بس ترى الاكله تسوى.....
يلا خلنى نبدي....
1-اول شي تنقعون صدور الدجاج بالثوم و الفلفل الاسود و الملح و الزنجبيل و اليمون لمدة ساعه
2- بعدين حطو المعكرونيه على النار مع شوي زيت و شوي ملح (عشان ما تتلصق)
3- اقلو الخضار ( الكوسى- البيديان-البصل) كل واحد تقلونه بروح و تحطونهم على جنب
4- عقب تاخذون الدجاج و تحطونه على المقلات على نار متوسطه( بدوون زيت) و تقلبونه لما يطلع الماي من الدجاج بعدين اتظيفون الكاري
5- بعدين تحطون المعكرونيه في بايركس و تخلطون وياه ثلاث ملاعق ماي التمر الهندي(الصبار)
6-تحطون الدجاج فوق المعكرونيه
7- و تحطون الخضار فوق الدجاج
8-بعدين تاخذون الكتشب الحار و البارد و تخلطونهم مع بعض ( والي ما يحب الحار موظروري احط كتشب حار يقدر احط بس بارد)و تخلطون ثلاث ملاعق صبار (تمر هندي) مع الكتشب و تصبون الخلطه فوق الخضار
9- اخيرا اتحطون البايركس بالفرن لمدة عشر دقائق

((( اذا لاحظتو ان الصلصه ( الكتشب ) اشوي تقدروون اتزيدونه حسب الرغبه)))

هني وعافيه و لا تنسون الدعاء لي و ان الله احققلي الي في بالي قلووو امييين

كتبولي ردودكم عشان اتشجع و اكتب اكلات اكثر :D