السلام عليكم ورحمة الله وبركاته:
كيف الحال خواتي يارب تكونن بخير اجمعين
بقولكن سالفه وانا شاهدة عيان فيها
×
×
×
×
×
×
هذا ياطويلة العمر بنت اغواها الشيطان والدلال من اهلها وخانت ثقتهم فيها
وصارت تكلم فلان وعلان وتضحك مع علان وتشعلل قلب فلان عليها
بس جاها اللي مو خبل جاها ذئب بشري ايه والله ذئب بشري هو لعب عليها وخلاها مثل الكورة بيده سجل لها وصورها دون علمها
وهي تقول انا واثقه بفلآن يحبني واحبه وراح نتزوج :09: (مافي رجال يتعرف على بنت ويتزوجها لانه بظنه انها تعرف اللف غيره وحتى لو صار مسيرها للطلاق والفضيحه بعد )
المهم ويجيك اللي هي واثقه فيه يهددها اذا ماطلعت معه وخذا منها مايبي لايفضحها بكل الديره بأسمها الرباعي بعد صوت وصوره
حاولت فيه حاولت ماقدرت قالت يافلان انا خلاص تبت لله ماعاد اكلم رجال تدرون ايش قالها قال (ايييييييييييييييه هين تبتي اذا اشكالك يتوبون توبتهم على يدي وتحت ...(كلمة غير لائقه يعز اسماعكن عنها )
اتصلت على الهيئه تستنجد فيهم تكفون تكفون القصه اني انا عجبني شكل فلان واسلوبه ورقمته....الخ القصصه (انتبهوا انها هي اللي راحت له :( )
الهيئه الله يطول بعمرهم قالوا لاتشيلين هم وابشري و اتفقوا معها على كمين له عند بيتها
وانا ياخفوق طلبني وآحد من قرابتي ادخل للبنت اشوف اوضاعها وكآني وحده من صحباتها واذا جت تطلع له اعطيه دقه على جواله يمسكون الشاب
طلعت وكنت واقفه جنب الباب اطقطق بجوالي بس مو باين مني غير طرف عباتي قال مين هذي المتخبيه قالت صاحبتي وهي تبكي مووووت قال خليها تكلمني اعطيها رقمي هي تجي معنا ؟يلا مشينا هاك صورك وصوتك خلي صاحبتك تدخلهم غرفتك وانتي اركبي معي وانا بهذا الوقت كنت اتصل على قريبي يجي وكنت ارجف واطرافي بارده حيل حيل اول مره اسوي كذا بس عشان البنت وافقت
المهم فجأه بسم الله عليهم التفوا على الباب بسرعه البرق 4 جمسات اسود× اسود وشالوه بسرعه وراحوا بسرعه البنت بلحظتها اغمى عليها
ودخلتها ااااااااهـ يابنات لةو تشوفون امها كيف انجنت لما دخلت وهي مغمى عليها على صدري شايلتها وخواتها عائله محترمه ومحافظين بس الحمد لله لحقوها قبل لاينفضحون الناس الطيبين
سألتني امها شفيها شصار فيها :قلت ياخاله كنا بنطلع للملتقى وهي تلبس عباتها بالحديقه داخت علي يمكن ماكلت شي وخذت ربع ساعه وصحيت وتمام وجلست معها تقول ياخفوق والله توبه توبه اكلم احد
تقول كنت اكلم رجال متزوجين واحرشهم على حريمهم نجاسه كذا اتسلى فيهم وكنت اكلم العزوبيه اولع شهوتهم نجاسه مني برضوا
تقول حتى الاجانب اخبص عليهم احيان واعذبهم تقول انا ماكنت كذا بس ضحكت على وحده تكلم وسبحان الله صرت مثلها وصارت تعطيني ارقام هي اللي كنت اضحك عليها
وسلمت عليها وودعتها لاهي تعرفني ولا انا اعرفها وشكرت ربها ثم شكرت الهيئه انهم انقذوها
ولما دق علي قريبي يقول لاتجيبين سيره لاحد عنها ولا عن اللي صار والولد انسجن قضية ابتزاز فتايات كثير لقوا في شقته صور لهم
وقال اقسم بالله ولااله الا الله ان واحد من خوياي اجهش بالبكاء قلت ليه واستغربت ؟؟؟؟؟؟؟؟؟؟؟؟؟؟؟
يقول والله يا..... اني اعرفهم لي سنين وبيتي مو بعيد عنهم بالشارع الثاني واني كنت بطلب من بيتهم انا واخوي بعد كم اسبوع بس ربي رحمني وماطلبت وحده تعرف ولها سوابق مع غيري وسجد شكر
الآفكار :
-بنت وحده وحرمت نصيب خواتها بغلطه هي تعتبرها في بدايتها بسيطه
-الضحك على مبتلي يجعلك تبتلا بما هو فيه
-الثقه بالغرباء علامه للغباء
-دعاء المظلوم ليس بينها وبين الله حجاب |(فكم من زوجه وام والرجال نفسه رفعوا ايديهم يدعون على من يفتنهم ويفتن راعي بيتهم...
-قبل الخطاء يجب وزن الخطاء وما سوف تخسره بعده وليس بعد الخطاء ربح *_^
- من خلقك على وجه الارض لايستحق العصيان فالعصيان رد للائيم وليس الكريم
-من تعب في تربيتك ومراعاتك سنين طوال لايستحقون النكران
الواجب:
اكتبي هذا الدعاء +مع تعليقك :
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
:)خفوق الريآض :)
خفوق الرياض @khfok_alryad
عضوة نشيطة
يلزم عليك تسجيل الدخول أولًا لكتابة تعليق.
الله يستر عليها ويسعدك ويعطيك على قد نيتك..
يوووه بغيت أطلع نسيت الواجب
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
يوووه بغيت أطلع نسيت الواجب
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
شانس
•
الله يهدي الجميع وجزاك الله خير على موقفك
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
(اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
شانس :
الله يهدي الجميع وجزاك الله خير على موقفك (اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )الله يهدي الجميع وجزاك الله خير على موقفك (اللهم اغفر لها ولوالديها وارزقها من حيث لاتحتسب...
اسلوبكِ رائع جزاكِ الله خير
( (اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
( (اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )
الصفحة الأخيرة
اللهم اغفر لها ولوالديها وارزقها من حيث لاتحتسب واعطها الصحه والعافية وجميع المسلمين والمسلمات اللهم امين )