أمواج ذهبية :

السلام عليكم .. ترددت كثير قبل أن اكتب مشكلتي مع بنتي ذات ال 7 شهور .. المشكلة بدأت منذ ولادتها في المستشفى ماجابوها لي عشان ارضعها و لاكان عندي خبرة لأني بكرية وكلام اللي حولي احبطني خلاني اعتمد على الصناعي بدرجة اولى .. وانا احترت بين الطبيعي المفيد والصناعي اللي يشبع ويزيد الوزن كل من شافها يقول نحيفة بنتك مرررة غيري الحليب شكله مايصلح واثر كلامهم فيني لدرجة اني صرت لما ارضعها طبيعي ابطل واعطيها الرضاعة عشان تشبع ويزداد وزنها وصار عندي هوس اني ازيد وزنها عشان مااسمع انتقادات اللي حولي (( وزنها عند الولادة 2.800 تقريبا )) ووزنها لما رحت اطعمها 6 شهور 6.5 وبدأت اسنانها السفلية بالظهور بداية الخامس غيرت الحليب لها كذا مرة لأنه عندها حساسية الآن اعطيها نان HA المرحلة الثانية المشكلة ان لها اسبوعين موووو راضيه ترضع مني ولاتبغى صدري في البداية كانت ترفض اثناء النهار وترضع في الليل والحين ماترضع لا نهار ولا ليل مع العلم اني تعذبت معها عشان ترضع مني كنت اوقف ونتمشى في البيت عشان ترضع طبيعي وبعدها اعطيها رضعة صناعي في الشهور الأولى كان يجيها عصبية شديدة لو مسكت الثدي ولا اعرف السبب ولاتسكت وترضع الا اذا وقفت وتمشيت الآن ابغى ارجعها ترضع طبيعي واتخلص من الصناعي نهااااااااااااائيا :/ حاولت معاها اعرضه عليها ماتبغى تقفل فمها وتلف وجهها الناحية الثانية واحيانا تمسكه بيدها وتقفل فمها عالحلمة ثواني بدون ماتمص هل تعتقدين يادكتورة ان هناك امل انها ترجع للرضاعة الطبيعية ؟ :( والسؤال الأهم كيف اخليها ترجع ترضع مني ..؟ حاليا اشفط صدري بشفاط ميديلا mini electric plus اللي يجي فيها شفاطين بس مااشفط كثير يمكن مرتين الى 3 يوميا وجزاك الله خيرا على الجهود التي تبذلينها لمساعدة الغير

السلام عليكم .. ترددت كثير قبل أن اكتب مشكلتي مع بنتي ذات ال 7 شهور .. المشكلة بدأت منذ...