لمِيس :

السلام عليكم دكتورة انا بنتي بترضع طبيعي من ساعة ولادتها انا كتير عانيت لحتى صارت بتمسك الصدر ولليوم بعاني معها لانو ماعم تمسك صح وانا بحاول معها كتير بس اذا مسكت خلاص مابحب اوقف الرضاعة مباشرة لتصحيح الوضع لاني بخاف تتاثر نفسيتها وتترك صدري\ اليوم صار عمر بنتي 38 يوم المشكلة بنتي بتظل ترضع لفترات طويلة خصوصا بفترة المساء يعني ممكن من بعد الساعة 11 بالظهر بتظل عم ترضع ومابتنام لغاية الساعة 2 ونصف او 3 ونصف وخلال هالفترة ممكن تروح ربع ساعه لتبديل الحفاظ ونصف ساعة تكون عم تلعب فيها ولم بتغفى وبنزلها ع فراشها بتنام ربع ساعه او اقل وبتصحى مشان هيك صرت بخليها ربع ساعه بحضني او ع كتفي بعدين بنزلها بالفرشة وبتنام لمدة ساعتين او ساعتين ونصف لما بتصحى بتتكرر نفس المعاناة بتظل ترضع وترضع ومابتنام احيانا بتظل هيك من الساعه 6 للساعة 12 او 1 بالليل :06: انا قلت ممكن الحليب عندي مابكفيها والي حولي كمان عم بيحاولو يقنعوني بالصناعي وزنها عند الولادة 2.455 وبعد اسبوع نزل الى 2.35 وبعمر 3 اسابيع صار 2.700 وبعمر الشهر صار 3.200 كل 4 ساعات بغير الحفاظ اذا كان بول فقط وغالبا بتكون مليانه عالاخر واحيانا بتسرب لانو الحفاظ شوي واسع لسه ما صار مضبوط مقاسو بعد البراز بغير الحفاظ مباشرة وبنتي مابتتبرز بانتظام يعني ايام تتبرز مرتين او 3 باليوم واحيانا مرة كل يومين يعني يوم لا والي بعدو اي وبيكون سائل جدا اصفر فاقع وبكمية كبيرة جدا تملي الحفاظ وتسرب مباشرة وقبل التبرز بتكون تتألم البنوتة وتنمغص انا بعطيها دوا الغازات ديسفلاتيل 3 قطرات بالفم 3 مرات يوميا والترجيع الحمدلله مافي ترجيع بس احيانا لما بتظل تشرب علطول بيكون كشط مثلما بيطلقو عليه الي هو حليب رائب والكمية قليلة جدا واحيانا بينزل شوي حليب سائل والكمية تقريبا 10 مل . بلنسبة للحليب عندي وقت الي بنام حتى لو ساعة بصحى وبلاقي صدري في حليب وممتلىء بس طول اليوم مابحس انو صدري ممتلء رغم انو اذا عصرتو بلاقي نقط الحليب تسقط بسرعة احيانا واحيانا بصعوبة باكل من مدرات الحليب حلاوة طحينية ومنتجات الالبان (حليب جبنة لبنة وزبادي) والشوفان وبتناول وجباتي الثلاث وبين الوجبات اذا الفترة طويلة باكل شي خفيف وبشرب سوائل كتير حمالة الصدر هي النوع الي فيه حديد وهي عادية مش مخصصه للرضاعة < بيجوز تكون السبب ؟؟ مع العلم انو ماحسيت بهجمة الحليب الي بتصير بعد 3 ايام من الولادة ؟ .. سؤالي يادكتورة كيف اعرف انو الحليب كافي ؟ ليش البنوتة ماعم بتنام هل ممكن انو ماعم تشبع ؟ انا كنت بتوقع الغازات هي السبب بس بعد الدواء الي وصفو الطبيب ومازال نوم البنوتة قليل، وهل بتنصحيني اعطيها صناعي ؟؟ يعطيك العافية بنتظارك

السلام عليكم دكتورة انا بنتي بترضع طبيعي من ساعة ولادتها انا كتير عانيت لحتى صارت بتمسك الصدر...

أم الفيصل 🌷 :

السلام عليكم طفلي عمره شهرين وارضعه طبيعي بس ولله الحمد لكن من اسبوع لاحظت برازه لونه اخضر غامق هل هذا يعد مشكله ولا عادي جزاك الله خير

السلام عليكم طفلي عمره شهرين وارضعه طبيعي بس ولله الحمد لكن من اسبوع لاحظت برازه لونه اخضر غامق...