اختى الحبيبة
اولا نريد نتاكد من السبب الذى يجعله يريد اليمين
هل انت متاكدة ان وضع الرضاعة عندك سليم راجعى وضع الرضاعة السليم المشاركة 235
نريد ان نتاكد من طبيب الانف والاذن انه ليس هناك التهاب فى اذنه يجعله لا يريد ان ينام عليه
وان كتفه ويده لا يوجد بهم اى اصابة توجع يده.هل هناك كدمة فى رقبته او شد فى احد العضلات؟هل هناك فتق؟
هل هناك فقرة فيها مشكلة او مشكلة فى الترقوة؟
ربنا يبعد عنه كل شر.
سؤال هل هذه الحالة منذ الولادة ام جديدة؟
هل فى رضعة الليل ينام يسار ويلف راسه يسار؟
هل هو لا ينام ولا يلف يسار حتى وهو نائم اى عندما يتقلب؟
او سبب اخر ان ممكن يكون اندفاع الحليب زائد جدا فى الثدى اليمين فيرفضه وعندما ياخذه فى وضع تحت الابط لا يكون اندفاع الحليب الى فمه مباشر فيتقبل ذلك.
رجاء انك تجربى تعصرى الثدى الايمن قبل ما تعطيه له.
علاج حالة زيادة اندفاع الحليب المشاركة552
علاج رفض الطفل لاحد الثديين المشاركة 508
طريقة التعصير غير المؤلم المشاركة 227
اريد ان اعرف هل تلاحظى ان حليبك ما شاء الله زائد عن الحد فنعطى اشياء تقلل الحليب عامة؟هل اذا تاخرت رضعة مثلا تحسى بامتلاء زائد فى الثدى؟
راجعى المشاركات وانتظر ردك
شكرا
اختى الحبيبة
اولا نريد نتاكد من السبب الذى يجعله يريد اليمين
هل انت متاكدة ان وضع الرضاعة...
أنا مشكلتي إن بنتي ما رضعتش من صدري أبدا يمكن مرتين مسكت الحلمة لمدة 5 دقايق مش أكتر وكانت شبه نايمة واول ما صحيت صرخت ورفضت تكمل وده لأنهم بالمستشفي اللي ولدت فيه بالإمارات عطوها ببرونه من اول يوم فكرهت صدري لاني كنت والدة قيصري وما حاولت ارضعها غير تاني يوم وما عرفتش فكملوا عالببرونه لمده ثلاثة ايام فرفضت الصدر تماما لما رجعنا البيت حاولت وكله فشل كمان حلمتي صغيره ومش بارزة ما ساعدتها.
هي الأن عمرها 3 شهور و10 أيام وانا علطول بحاول معاها بس دايما ترفض وتتعصب وتصرخ فبخاف عيلها.
أنا طول الفتره اللي فاتت بشفط وأديها واحيانا كنت اديها رضعه او 2 صناعي في 24 ساعه لما اكون هلكت من الشفط واحيانا ما بديش صناعي خالص وخايفة اديها صناعي بس وانشف صدري لان بسمع بلاوي عن الصناعي صحيح ربنا الحافظ بس ناخد بالاسباب .
اللي تاعبني ان دكتورة الاطفال قالتلي مش هينفع تستمري كده بنتك مش بتاخد الحليب اللي بأخر الصدر بأعماق
الصدر وهو ده المغذي والمفيد هي بتاخد اللي بأول الصدر جمب الحلمة ودة مش كفايه ما ينفعش.
إلى جانب طبعا إنه هيقل الحليب بعد كده وده مش اللي مخوفني إذا قل بعد كده مش مشكلة أدينا هنأكل وندي حليب صناعي وخلاص بيكون أهون من إني أديها صناعي من دلوقتي.
بس خوفي كله إنه يكون الغذاء كده مش كفايه لنموها جسمانيا وذهنيا وبصريا طبعا.
أنا حاليا مأجرة شفاط من ميدلا إسمه لاكتينا وكان عندي الأول ميدلا ميني اليكترك بس بصراحة صدري بدأ يوجعني وحلمتي كتير حساسة لأي لمسه .
ما بقيتش عارفة اعمل ايه وهل بنتي ممكن تاخد صدري ولا اصبح مستحيل.
وهل استمر على الشفط بس ولا أبدأ انقل للصناعي تدريجيا علشان يغذيها.
علما إن وزنها معقول أقل شيئ في الطبيعي.
الله يكرمك يا دكتورة تريحني وتدليني للصح .
أختك أم ملك.