ماابي احفظ :

الله يبارك فيك يادكتوره والله يجزاك خير فعلا انا الحمدلله ارتحت نفسيا لكن اكتب وانا متنرفزه من بنتي بسبب مصها لانه دائما ضعيف جدا ولاعمرها رضعت بقوه ..فقط تمص على خفيف ..فاذا نزل عليها حليب ابتلعت واذا مانزل تركته مع انه يكون فيه حليب بس يبغاله مجهود وهي ماتتعب نفسها. الشي الثاني ودي اتناقش معاك على طريقة المسكة قرأت كل مواضيعك وشاهدت اليوتيوب للدكتور جاك بس احس فيه اختلاف في مسكة بنتي يعني فتحة فمهم وقت الرضاعة كبيره اما بنتي تاخذ حول الحلمه بقليل وشفتها السفلى غير مقلوبه للخارج مع العلم ماحس بالم وقت الرضاعه واحس عدم تعاونها في قوة المص وفي المسكة سبب لقلة الادرار فكيف اصحح وضعها لانها صعبه وانا مقدره جدا انشغالك وآسفه على ازعاجك ووالله اني محرجه جدا منك

الله يبارك فيك يادكتوره والله يجزاك خير فعلا انا الحمدلله ارتحت نفسيا لكن اكتب وانا متنرفزه من...

وهـ بس... :

السلام عليكم ابغى مدرات للحليب وماني عارفه وشهي هالمدرات غير الحلبه لاني اخاف استعملها عشان الريحه ولو في طريقة استخدامها وماتطلع لي ريحه ياريت تعطوني هالطريقه .؟؟.. عمر ولدي 16 يوم بغيت اعرف كل ارضعه يعني ساعه او ثلاث ساعات لان احيان ينام ويصحى بعد 3 ساعات يرضع كذا طبيعي والا اصير اصحيه وتكون الرضعه منتظمه كل ساعتين ؟؟؟؟ انا ارضع ولدي طبيعي وصناعي بس اكثر شي طبيعي بغيت نوع حليب مفييييد للبيبي وما يجيب مغص ولاغاازات ؟؟؟

السلام عليكم ابغى مدرات للحليب وماني عارفه وشهي هالمدرات غير الحلبه لاني اخاف استعملها...

DanaMam :

السلام عليكم دكتوره الله يسعدك انا عمر ولدي اليوم 17 يوم والحمدلله ارضعه طبيعي لكن عندي مشكله صغيره متعبتني ومادري اذا الوضع هذا طبيعي ولا لا لمن يبدأ ولدي يرضع اوول مايبدأ المص احس بألم فضيييييع اول دقيقه تقريبا بعدين مع استمرار الرضاعه يخف واحيان يستمر الالم بس على خفيف فموعارفه هل الوضع هذا طبيعي والشعور بالالم في بداية الرضاعه طبيعي ؟؟ ولا انا عندي مشكله ؟؟ وبالنسبه لطريقة المص انا موعارفه اذا ولدي يمسك الحلمه صح او في غلط في المسكه احيان اشك ان هذا ممكن يكون سبب للالام اللي احس فيها وحابه اسألك دكتوره كيف اعرف ان صدري فيه حليب يكفي طفلي ؟؟ احيان احس صدري ممتلئ خاصه اول ماصحى من النوم واحيان احسه طول اليوم فاضي وخفيف بس ارضع طفلي ومادري اذا كان يشبع اوو ينام من دون شبع

السلام عليكم دكتوره الله يسعدك انا عمر ولدي اليوم 17 يوم والحمدلله ارضعه طبيعي لكن عندي مشكله...