اخواتي العزيزات..
معك فكه ؟؟ وهو مما قرأته وراق لي فأحببت ان تشاركنني فيه ..
اتمنى ان ينال على اعجابكم ..
معك فكـّه ؟
أبي آكل
ذبحني الجوع ..
وجوعي ماكل ٍ جوعه
ومتآكل
أمانه ذقت طَعم الجوع ؟
تِحس إنك من الداخل بتتقطع
تِحس ان اللهب جوعك
وانت ْ يا صاحبي لـ/ الشموع
تبي تسرق .. لجل تشبع
تبي تقتل .. لجل تشبع
تبي تذبحهم اطفالك
قبل لا ينتشلهم جوع
وعينك لجلهم تدمع
وتمسك أصغر عيالك
تِـتلــّه للجبين ودمعك يبسمل
تناظر للسما وتصرخ
" أبي فدوه "
ولا به كبش يتنزل
قبل لا ذبحك تكـَمـِل
تجي تذبح ...
ويمنعك الضمير اللي ..
تحس بداخله حكـّه
تحس ان الهموم كثار
كثر حجاج بيت الله
وتحس ان خافقك مكه
معك فكه ؟
.............
معك فكه ؟
أبي جبنه وهمـ/ برغر
كثير سمعت انا عنه
تصدق ودّي اترزز
معاه وحدّه اتصور !!
يقولوا .. لذته لمّـا
تضيفله قصب سُكر ..!!!
أمس جاني ..
وجابه حظيَ الساخر
جميل وفي .. طبق فاخر
وفرحي عم ّ
تحسسته .. وشميته ..
حملته في يديني والدرب أخضر
وحطيته على شفاهي
وذقت الهمــ/
وعلى ازعاج الرصيف اللي ..
افترشته طاحت لـ/ برغر
وصحتني ..
رداوة حظي الأقشر
معك فكـّه ؟
..............
معك فكـّه ؟
ابي أكسي البرد وارتاح
يجوز ان البرد يدفى !!
كسيته جـِسمي َ الناحل
وعيى من العظم ينزاح
ويا كم قلت له تكفى ..
مثل ما قلت لك تكفى
وعني شاح ...
مثل ما عني وجهك شاح
وصك الباب ...
مثل بابك ..
الحين بوجهي ّ تصُكه
معك فكه ؟
تِمهل .. ليه قفلت الباب !؟
...............
معك فكه ؟
ابي فكـّه ولو هي دين
ترى وضعي ..
ظلمته لو وصفته شين !
عيالي وامهم مرضى
وحظي معتلي فوقه
غراب البين
وانا رجولي عجل كرسي
رحى تجري ...
تدور وينطحن عُمري
كتبني هالقدر " عاجز "
على صفحاته الثنتين
وبصـّم باصبعه وامضى
قصيره اليد ..
لو هي مـُبصره هالعين
وبين ايدي ونظر عيني ..
عجل كرسي والف حاجز
معك فكـّه ؟
...............
إنت يلي ..
تناظرني بقرف وش فيك ؟
متأفف !!
وكنك شايف ٍ لك جيف !!
إذا فقري نقض غفوة
ضميرك حيل متأسف
ومتأسف
إذا شكلي ..
مهو منظر حضاري من على لـ/ الرصيف
أنا مواطن
واسمي في .. سجلات الوطن يا خوي
متأرشف !!
دهسني هالقدر صـُدفه
وأهداني
مكان رجولي هالكرسي
وانا شاكر إله عطفه
وشاكر صبر هالكرسي
وشاكر لك ..
اذا أكرمتني برغيف
أبتعشى
أنا صرلي عـُمر واكثر
غصب عني ..
بنام خفيف
معك فكـّه ؟
...............
معك فكـّه ؟
ولو تدري ..
ترى عوز البشر مؤلم
أنا محتاج !!
وربي يشهد إني يا بشر مـُسلم
تِشبـِع قريتي عام ٍ
رُبع لـ/ الاموال .. يلي تشتري فيها ..
لجل ترضي .. خويتك بالشهر مكياج !!
تراك لنفسك بتظلم ..
معك فكـّه ؟
................
أنا يا عالمي مليت
تعبت .. ويا كثر ذليت
لو إني عايش بروحي ...
لغير الله ..
كفوفي ما كنت مديت
ولكن لقمة صغاري
تذلل شـُمّخ افكاري
تذلك حاجتك حتى ..
ولو كابرتها وعييت
أبنهي هالعُمر وآموت !!
أبستنى ..
على درب القطار الموت
بروح اتوسد السكـّه
انا عمري .. قضيته مِيْتْ
معك فكه ؟
أبي من هالوضع فكـّه !!
أنا مليت
لفظني هالوطن كِله
عسى ما يردني حظي
وما تلفظني َ السكه !!
معك ... فكـّه ؟
للكاتب :اكرم التلاوي