انا بصراحه صار معي هذا الموقف يعني ما يحتاج اتخيل
واعطيته تحويشة عمري




بتقلون ايش النتائج صح










شايلها لي فوق راسه
ودايما يذكرها


بس احسه اتعود اني انا الي اصرف
وجالسه اعدل الوضع شوي شوي




وراجعه احوش من اول وجديد
لاني اتنازلت له وقلت ما ابغى ترجعلي شي




والمال وسخ الدنيا
والفلوس تروح وتجي
اهم شي راحت البال
الله يرزقنا راحت البال

والله لو كانت عندي كنوز الدنيا لأعطيته ..

اخواتي الله يعطيكم العافيه على ردودكم الحلوه
وصدق حسيت انكم بنات رجال ماشاء الله عليكم
وانا بالفعل اعطيته تحويشة عمري اللي يمكن ماراح احوش كثرها لاني مو موظفه
وايضا من تزوجنا وانا اعطيه من المكافأات واعطيته ذهبي كله وتنازلت عن اشياء كثيره غاليه
خوفا من اني ارهقه بالطلبات وهو إن شاء الله مايقصر
يارب سخر لنا ازواجنا وحنن قلوبهم علينا وفك ضيقتنا

بعطيه أكيد..... لو شو بينا مهما كان هذا ريلي كيف أخليه يحتاج حق الناس وانا عندي وساكته,,,,, والله نفسي ما بطاوعني أكل في بيته ومن خيره بعدين........ يعني هو وفرلي كل شي.... من مهر وعرس وزهاب وفرحني.. وخلاني أفرح باليوم اللي تتمناه كل بنت وانا عروس..... وعيشني في بيته معززه مكرمه..... عقب أبخل عليه.... وين العشرة عيل؟؟؟؟؟ ولو بعدين لا سمح الله صار اختلاف بينا.... العشرة ما تهون إلا على عيال الحرام وانتو بكرامه....... يعني ان شالله بي يوم بيذكر هالشي....... واتذكري انه كل عمل ابن آدم لازم يكون لوجه الله ,, يعني احتسبي الأجر من عند ربج ..........

جميله جدا ردودكم الله يبارك لكم
الصراحة انا اعطيه وما اطلب شيء منه ولا انه يرد اللي اعطاني اياه
انا اعطيت وكنت انتظر فقط الاحترام وحسن المعامله ما كنت انتظر مقابل
اعطيت والحمدلله وكله من عند الله علشان ما يلجا لاحد الا انا
لاني انا وهو واحد
اعطيت علشان يعرف اني ما احد بيوقف معاه الا زوجته يعني احنا واحد
لكن للاسف ما لقيت الا الجحود والنكران
حرمت نفسي من ملذات الحياه علشان اريحه وما كلفته فوق طاقته في يوم من الايام
بس الله يسامحه
طول عمري اعطي وعمري ما اخذت والصراحة ما انتظرت جزاء حتى من الله لان الحمدلله كنت اعطي بحسن نيه وما ردت ان يعوضني الله بشي الا بالستر وان يحفظ اولادي لي
والحمدلله على كل حال
الرجل هو سند المراه وهو حاميها والحامي هو الله
لكن ليكن حسن الظن موجود ولا تنتظر المراه ان يشكر لها زوجها هذا الشيء لان العلاقة الصحيحة ما في فرق بينها وبين زوجها
لكن من يمثل عزة النفس من الازواج في كل شيء الا المادة فهذا ليس رجلا
كم سمعنا رجل يسوي ويسوى ويمنع زوجته من كل شيء تحت غطاء الرجوله وياتي وياخذ مالا وقد نسي هنا رجولته
حبيباتي الرجال ليسوا كلهم واحد
فلا تبخلوا على ازواجكم ليس بالمال فقط انما لا تبخلوا عيهم يعمركم كله
فالرجل اي الزوج يستحق كل شيء
ولكن الاستثناءات موجودة ونحن لا نعممها
شكرا على الموضوع الحلو