معلش لتوضيح بعض الامور تفضلوا بالدخول

أخواتي أولا اسمي بهاء خندقجي ..
ليس هذا موضوع سيرة ذاتية لكن الاصل اني اعرف بنفسي ولو قليلا بالذات اني شاركت بقوة فجاة

انا من فلسطين من دير الغصون قضاء طولكرم واسكن في الاردن . وخندقجي ( لانها اخت سوالف نهار سألت) هو اسم العائلة وبيحكو النا جذور شامية او تركية
تخصصي لغة عربية في الاصل .. وأحفظ كتاب الله كاملا بحمد الله ومعي سند متصل للرسول عليه السلام في اربع قراءات.
ولكني في نفس الوقت خطاط ولي خبرة في المواد والألوان والنجارة والدهان أحسب إنها جيدة إلى حد ما.. يعني سبع صنايع والبخت مو ضايع الحمد لله لانو الي بيجي من ربنا في خير دايما . اذا رضي
متزوج وعندي ولدين - الله يخليلكو- والكبير اسمو احمد . وأحب أن اكنى بابي احمد
ارجع لموضوعي..
في اشياء كتير حاب اكسب فيها اجؤر بتعليمكو اياها لاني استفدت منكو كتير وبالذاتن اخت دنيا الذوق .. كنت اضيف بعض افكارها واضعها في لوحات لالي ..
بس عشان ما اتخربط انا اما بتقترحو علي شو ابدا .. دروع او براويز او جلد او مناظر .. ولا تتركولي الاختيار وبتصبروا علي شوي شوي والي بتابع بيستفيد أكتر
او اذا في طريقة لدورة متواصلة متكاملة تكون اعمالي كلها مجمعة مع بعض وبتتكرم علي ادارة المنتدى بشي زي هيك برضو بكون افضل.. ووالله ما بدي شي سوى دعواتكن ..
ارجو الرد بالذات من محررات الموقع عن اقتراحي الاخير .. لاني موظف وبتابع الموقع بس فترة أو فترتين في اليوم