معلقة , اطلب طلاق او نفقة او ارجع مهره وانا انغبن :(

السلام عليكم حيهم

اللي يعرفني من اول بيعرف مشكلتي المطولة والمعقدة مع زوج خايس وحقير وحسبي الله عليه وع امثاله:(

متزوجة من سنتين جلست شهر اكتشفت فيه بخله ولعبه بس في بنات الناس وتنكيد الحياة عليهم وذا قالت تبغى الطلاق قال هاتو مهري والحقير يتزوج من الاماكن البعيدة عن نجد ورجعت 9 اشهر عند اهلي لا يصرف ولا يدري عن شي ثم رجعت غصب عني وجلست شهر ورجعت لاهلي لان بغيت امووت من البكتيريا والجراثيم بغت تفتك فيني لانه باع بيتي الاول واجبرني اعيش مع زوجته وعياله المشتتين كل اثنين من ام في بيت والله لو اوريكم صورة ان تحلفون ان صندقة في النيجر انظف وافضل مع العلم ان ربي منعم عليه وما يتكلم الا بالملايين جعلها نار عليه

انا الحين معلقني عند اهلي من سنة لا سال ولا اتصل وسرق كل اغراضي وحاجاتي عنده ودخلو فاعلين خير لكنه رافض يطلق يبغى مهره والذهب
سالت الشيوخ قالو اطلبي خلع ورجعي مهره وهو دخل علي وفوق كذا يرجع له كل شي والبلا منه ؟ وطلع متزوج قبلي 11 ضحية كلهم مطلقهم بنات صغار ووحدة معلقها عمرها 19 سنة من اربعة سنوات وله عيال ماخذهم من امهاتهم صغار حسبي الله عليه

الحين انا محتارة لا شيوخ واقفين معي ولا محكمات زينة وتسير الامور وتوقف مع المراة الا نادرا ..:44:
الرجل اذا جاء بيطلق في ثواني بس المراة لا طلبت الطلاق وهي المتضررة بعد يسحبون فيها سنين:44:

اش اسوي هل اروح للمحكمة واطلب نفقة وبيت والا اطلب طلاق واحلف واقسم انه لعاااب وما يصرف وووو مع ان كثير قالو المحكمة بتوقف بصفه :(

واحنا يالحريم اللي زوجها خايس وتوقف المحكمة معه نجلس مغبونات طول اعمارنا :(

ابي رايكم لاهنتوو اللي مرت نفس التجربة او تعرف احد من قريباتها صارت لها نفس السالفة او لها خبرة في هالامور وخاصتن سالفة المحكمة وكيف ارفع قضية نفقة او طلاق ومن هالامور تنورني :(

شاكرة لكل من مر والله يفرج همومنا وهموم كل مظلوومة :26:

معذرة للاخطاء الاملائية :44: