معلقني من 3شهور بسبب تافه

السلام عليكم
اليوم قررت أشارك احد همي المدفون،متزوجة من 5سنوات لدي اطفال،العلاقة بيني وبينه جيدة ولله الحمد، كان عنده سفرة خارجية لزيارة اخوه وكان رافض اخذنا معاه بدون سبب وطلبت منه تعويض مادي مقابله كان ياخذ الأمر باستهزاء يقول باروح لحالي ويتعذر باسباب تافهه ويجي بعدين يستفزني يقولي باخذ خواتي كلهم يروحون معي وأقوله وانا طيب؟يقولي لا مافيه،وعلى هالمنوال من يوم ماحجز لرحلته يجي يرفع ضغطي بكلامه ويقهرني ويروح وهو عارف ان هالشيء يضايقني ،وكان قبل مايسافر يقوللي انا لازم أتهاوش معاك قبل لأسافر عشان ماتزعجيني وكنت اخذها بضحك وارد عليه وأقول مالك نحشة اثاريه مخطط صدق ،انا ماعندي مشكلة يسافر بس مو يقصر باغراضي وكل شوي وانا مطفر وطفرات راعيني هو مايقصر بأغراض البيت بس باغراضنا ايه يعني حتى كسوة الصيف ماوداني بس اشترى لعياله يقولي الشهر الجاي وهو مو بخيل للامانة بس أغراضي مؤجلة لأجل غير مسم،انا اللي قاهرني اني قاعدة ادرس انتظام وفوق هذا بيت وأولاد وزوج مايساعدني اذا بغى يساعدني لَبْس ثوبه وانحاش للمخيم،وفوق هذا لازم اكون رايقة ومبتسمة واضحك دايم،نجي للمشكلة صارت شهر7 كان يقولي نفس الكلام باخذ اخواتي معاي يسافرون يغيرون جو قلتله ترا لاخذتهم بتاخذني زيهم،تخيلوا وش قال هاج علي يقولي وربي لأكويك بالنار لاتعديتي على اهلي هذولا اعرفهم من قبلك وهم خط احمر ويصارخ انا رديت عليه قلت الحمدلله والشكر وش قايلة انا من شهور وانت تسمع نفس الكلمة مني وش اللي صار؟قام يعيد كلامه ويصارخ أسألكم بالله قلت شي غلط؟احد يحكمني ياعالم؟
بعدها انا قمت من عنده ورحت أشغلت نفسي عنه،يجي ثاني يوم صاحيه للغداء ماياكل معانا خلاص أعلن الحرب علي،اطلبه السوق يعيي يقول ماتطلعين من البيت انا اجيب الأغراض اللي ناقصتك،يعاقبني وهو الغلطان وكل هالوقت وهو يكلمني كأني قاتلته احد،على هالحال الى بداية شهر 8جيت عنده أقوله خلنا نتكلم زي الناس الكبار يقولي بانام مالي خلق،أعطيته عذر انه ممكن وقتي غير مناسب اجيه ثاني يوم اقوله لنا شهر ترا متهاوشين مايصير يقولي ماعليه خليها تطول المشكلة بعد انا مبسوط تخيلوا الشخص اللي عشت معاه 5سنين من عمري يبيعني كذا ماعاد يبغاني خلصت اختباراتي ونزلت لاهلي وهو سافر ورجع ونزل يكمل إجازته مع اهله،ولابادرة باعتذار او اي شي بس يسال كيفكم وخلاص،تعبت انا خلاص لاانا طايلة ارض ولاسما لا انا مطلقة ولا انا على ذمته،وش الحل ياعالم هل هو ماعاد يبيني او هو سبب عشان يريح راْسه في إجازته او بسبب احد محرضه علي؟تعبت ياربي ماادري وش اسوي كل شوي اهلي يسالوني عنه ،على العلم انه خلال مدة المشكلة كان مايقعد بالبيت ابدا ولقيته فارش له بالمقلط يبي ينام هناك بس مااقدر ورجع لغرفتنا،افيدوني يالحكيمات أوصل المشكلة لأبوي أخليه يأدبه ولاوش السواة،
مع العلم باني ماقد غلطت عليه بكلمه وهو يشهد بهالشي لي،واهله احبهم زي اهلي وربي أمه تسلم على راسي من حبها لي الله يخليها❤وأخواته أعاملهم زي خواتي وربي من فوق 7سموات يشهدلي،وهو كويس بس ماادري وش اللي صار بليله وضحاها،الحمدلله انا ملتزمة بديني ماغلطت بشي ولابعيدة عن ربي انا استخرت وجيت اكتب مشكلتي هنا،افيدوني بآرائكم شكر