حبيبتي في فكره

انه تكتبي في بطافات ارقام من واحد الى مثلا5

ثم تجيبي بطاقات تكتبي فيها

الاسئلة

ثم توزعيها على الطالبات كلها

ثم لما تسأل صاحبة البطاقة رقم واحد

تقول الي معها بطاقة رقم واحد تجاوب


وهكذا


او

تكتبي تطبيق في لوحة

وتخلي البنات يجاوبوا ويكتبوا الحل

منها رطتي بين الماده الاساسية والاملاء


واذا حابه شيء ثاني

أسال

وانا اساعدك


الله يعطيك العافيه


اتمنى افدتك


سؤال هل انت طالبه

ذكرتيني أيام هم التطبيق
أحمد ربي إللي فكني :D

شلت هم من أول السنة وأول يوم في التطبيق ندمت على الهم
ماكان فيه شي يستاهل:)


أولا.. مهم تتفقون مع معلمات الدين يعطونكم حق في الدرجات يعني مثلا ثلاث درجات .. تعطى للشاطره وتخصم من المشاغبة
ولما تدخلي على الطالبات تعطينهم خبر بكذا طبعا بطريقة تحفيز مو تهديد
وأثناء الشرح انتبهي للي تشارك.. ثم وقفي وخوذي اسمها وسجليه بدفترك
بكذا يتحمسون الباقيات ويحسون إنك جاده

ثانيا.. إدخلي بثقة وشخصية ولاتنزل عيونك تحت...تظاهري بكذا حتى لو كان قلبك طاقة طبوله :D

ثالثا.. لما تدخل معك المشرفة عليك تجاهلي وجودها تماما.. وصدقيني بتصير كأنها وحده من الطالبات ماراح تهتمي لها
لما يدخلوا معك زميلاتك بيحضرون التطبيق (مرات يسوونها) خليهم يجلسون على الجنب مو قبالك عشان ماتنقلب الحصه ضحك :)


نجي للتطبيق..

* اهتمي بالوسائل التعليمية
مثلا:
لما تكون حصة حديث أو تفسير .. اكتبي الآيات أو الحديث على فلين

استعملي البطاقات.. فيه كذا طريقة لها (رفيقة الدمعه) ذكرت طريقة.
ممكن تسويها إنتي وحلو لما تكون ملفته
أو تشتري جاهزه من المكتبة وانتي تكتبي السؤال عليها


* لاتلقنينهم المعلومه تلقين.. خليهم هم يستنتجونها
من خلال الأسئلة.. مثلا لو كانت القصة حول صحابي تصدق بكل مايملك
لاتقولي انه فعل كذا وقدم كذا
لا.. مثلا: لما حدثهم رسول الله عن فضل الصدقة ماذا فعل هذا الصحابي(رضي الله عنهم أجمعين)؟
ولا تختاري مباشره وحده تجاوب.. انتظري لحد مايستوعب الجميع وتبدا المنافسه وكل وحده تبي هي تجاوب :)
الانتظار طبعا يكون بطريقة تحفيز وتقريب للاجابه عشان إللي مخها متقفل ينفتح :)



* بداية الدرس.. سمي بالله واكتبي العنوان عالسبورة
إذا حصة تفسير أو حديث جهزي اللوحه إللي فيها الآية أو الحديث
اسألي عن الواجب ومين ما حلته إذا بتدورين عليهم وإلا خليها على الثقة :)
وسجلي أسماء إللي ماحلوا

ونبدا بدرس اليوم.. إختاري وحده تقرا النص

اسألي إذا فيه كلمة مو مفهومه.. وإختاري وحده تجاوب.. لأنه من حسن الحظ لازم بيكون فيه كم وحده محضرين الدرس الجديد:)

اكتبي بعض الكلمات ومعانيها عالسبورة.. ولا تكثرين 3 يكفون<<< يكفي مدرساتنا كارفينا أول

ثم اشرحي الدرس
ثم مايستفاد.. وسجليه عالسبورة

ثم اكتبي كم سؤال للواجب.. طبعا تكوني مسجلة أسألة الواجب بدفتر التحضير

* دفتر التحضير ينكتب فيه:
عنوان الدرس
تاريخ اليوم
ملخص الدرس : (الكلمات ومعانيها ، مايستفاد)
أسئلة الواجب


هذي الطريقة إللي مشينا عليها في الجامعه

وموفقه يارب :)








إذا استفدتي شي من المعلقة إللي أنا كاتبة :D

إدعي لي ربي يشفيني ويشفي من أغليه

حبيبتي رفيقة الدمعه

قولي اّمين يااارب دمعة الحزن ماتعرف لك طريق

مشكوووووووووووره يالغلا فكرة البطاقات والأرقام رهيبه وإن شاءالله بطبقها بكره

دعواااااااااااااتك :( :( :(



حبيبتي لقاء

يااارب يكون شعوري مثلك وأقول ماكان فيه شي يستاهل :icon33: :icon33:

والله قلبي يررررررررررقع

إذا عندك أي إضافه قوليها وأكيد أستفدت وبدعيلك في كل الحالات

مشكوووووووووووره


أنتظر تجااااااارب البقيه

وينكم :icon33: :icon33: :icon33:

اخت مشاعل انتي في أي مدرسه؟؟

وفي أي حي؟؟

يمكن اجيكي على الترم الثاني عشان انا خوافه وابي احد يشيل خوفي:)

فيه طريقة للبطاقات
إنك تضعي البطاقه بشكل كرت على ورد طبيعي
واللي تجاوب على السؤال تقدم اللي قرت السؤال لها الوردة
هذا اللي ذاكرته
أما باقي التطبيق كنت أستخدم لوحه ضوئية
شكلها حلو
وتحرك البنات