معلمات الابتدائي ممكن مساعده

السلام عليكم

انا حبيت استفسر منكم يامعلمات الابتدائي من شان التقويم

انا بنتي سنه خامس ابتدائي لم تتقن ماده الرياضيات الفتره الاولى والثانيه حسبي على مدرستها تخيلو ما ادتني خبر الا بعد ما سجلت لها النتيجه مع ان بنتي ممتازه في كل المواد ودايم اروح اسأل عنها
المهم ابغى استفسر منكم ايش الحل لانها ادتها في التقويم 4 في الرياضيات كيف الحين اسوي مو المفروض انها تختبرها مره ثانيه لين تنجح لاني بنقل بنتي الترم الثاني مدرسه ثانيه والمعلمه تقول انهم ما راح يختبرونها في الدروس اللي ما اتقنت فيها الا الترم الثاني هل هو صدق ان بنتي بتنتقل للترم الثاني وهي ماعدت مهارتين في رياضيات الترم الاول مدري فهمتو عليه

الزبده اني ما ابغى بنتي تنتقل للترم الثاني وهي عليها مهارتين في رياضيات الترم الاول ما اتقنتها استفساري هو هل لي الحق بأن اطالب المعلمه بان تختبر بنتي في المهارتين مره ثانيه ولا لا
الله يسعدكم ساعدوني ابغاكم توضحون لي كيف يكون تقويم الرياضيات عشان ما اتفشل لمن اروح اكلم المديره