معلمات الانجلش الفزعه //عندي شرح درس انجلش بالروضه واذا اتقنته راح يقبلوني بإذن الله

رفع ماعندي خبره ابدا
حبيت ارفع موضوعك عسى تجي من تفيدك
ادعيلي بتسهيل اموري

مرحباً من جديد رجعت لك :p
الله بسحرها لك ويجعلها من نصيبك يااارب
وطبعا بفيدك بمعرفتي
بس انتي طبقي حبيبتي
شوووفي عيووووني
اختاري لك حرف ليه ؟؟؟ لانه يشمل اشياء كثيرة بوضحها وبتفهمينها اكثر
بشرح لك بالتفصيل وانتي وفري الادوات والاغراض
وتذكري للاطفال مهمة البشاشة والتعامل مهم
الاغراض اللي تحتاجينها /
اوراق كمبيوتر للطباعه عليها - مجسمات غير حسيه
صندوق او علبه -
مثلا انتي تبين تشرحين حرف A
طبعا تطبعين الحرف ع ورقة الكمبيوتر ويكون كبير بحجم الصفحه كلها
ليه ؟؟؟ عشان يركز الطفل وتكون واضحه واصلا دايما خلي هالشي
ببالك اي شي للطفل لازم يكون كبير
وتطبعين a كابتل وسمول وبعد
بختار لك 4 او 3 امثلة تفاحه apple - نملهant -سهم arrow
واذا جيتي تطبعينها لازم كل مثال بورقه لحاله وكبير وتكون صورة
تفاحة كبيرة وتحتها كلمة apple وخلي حرف aبلون احمر مثلا
بس هو بلون مغاير وكذا باقي الامثلة سويها نفس الشي
وياليت لو تغلفينها تغليف حراري ليه؟؟ تحافظين عليها وتدوم لك
وعشان الاطفال مايخربونها لك

نجي الحين للمجسمات جيبي تفاحة حمراء مجسم واذا قدرتي توفرين
لكل حرف مجسم زين سهم ونملة عادي لو تسوينها انتي مجسم بس
يكون مرتب وواضح هذا بالنسبة للاشياء الحسية

فايدة الصندوق او العلبه ؟؟؟ خذي الاوراق اللي طبعتيها والمجسمات
وحطيها داخل العلبه او الصندوق ؟؟ ليه عشان تسوين تشويق
للاطفال ويركزون معك اكثر وودهم يعرفون ايش بعد في الصندوق

الحين نجي للشرح
طبعا لازم اذا دخلتي ع الاطفال لازم تقولين لهم صباح الخير بالانجليزي
وكيف الحال دائما كل مادخلتي عليهم
وعوديهم يجاوبونك ويردون عليك طبعا مع الوقت بيحفظون
جهزي السبورة وحطي عليها 3 اسطر تحت بعض من بداية
السبورة للنهاية عشان تكون امورك جاهزة اوك

طبعا لازم تجلسين مع الاطفال في الحلقه هم يسمونها كذا
يعني كلكم جالسين مع بعض بعد ماقلتي لهم صباح الخير وابداي
افتحي الصندوق وطلعي حرف a وقولي لهم
هذا اول حرف بالانجليزي this is letter a
وقوليه بصوت عالي وعيونك تدور ع الاطفال كلهم
وخليهم يرددون معك بعدين مرريه عليهم وخليهم يمشون اصابعهم
عليه بطريقه صحيحه ويقولون a كل طفل بعدين قولي الامثله
مثل a apple - a ant وهكذا كل مثال 4 مرات وهم يرددون
وبعدين طلعي المجسمات وخليهم يلمسونها بعد ماتقولينها
ومرريها عليهم وقولي لهم بسرعه بعض الاطفال يفهي خخخخخ
وبعدين اشرحي ع السبورة طريقه كتابته وطلعي 5 اطفال
يكتبون ع السبورة
وبعدين يبداون الكل في الكتابة في كتابهم او ملزمتهم ولازم
تلاحظين الكل وتنتبهين عليهم
وبعدين حبذا لو تجيبين معك شوكولا او حلاو مصاص تعطينهم
وتمدحينهم منها تكسبيهم ومنها ينبسطون
واخر شي قولي معهم انشودة حلوة او حركة رياضة
مثل
Hand up - hand down
Hand left
Hand right
Turnning
Jumbing
Sleeping
طبعا تقولينها بصوت حلوو وتاشرين بيدك ولا تستحين ابدا
لانه مهم ووالله ينبسطون مررررا
يدك للاعلي يدك للاسفل
يدك لليسار يدك لليمين
دور اقفز نم
وبس
واهم شي تكونين مبتسمه حتي لو تنحوا معك عادي خخخخخ
وطوويله بال
وبعد سرريعه عشان تخلصين هذا كله بنص ساعه كذا حصصهم
وبببببببببببببببس

ووالله تعبت
عاد ابي دعووووات حلووووة الله يرزقني ضعف ما اتمني
والله محتاااااااااااااجة
حطي عينك ع توقيعي وادعي من كل قلبك
ترا بزعل منك ^___^
وان شاء الله افدتك

ويا بنات حواء كل من تقرا وتستفيد
لا تبخل علي بالدعاء تكفووون

 

جيبي صندوق حلو
بيكون اسمه صندوق المفاجأت علشان الطفل يتحمس يعرف انتي ايش تخرجي من الصدنوق

ابدئيها بحرفAa

جيبي تفاحه او صوره لتفاحه واسئليهم ما هذا بيقولون لك تفاحه
قولي لهم مع المس نقول عليها ابل
واطلبي منهم يكرروها ابل

بعدها خرجي من الصندوق مجسم مثلا طياره واسئليهم اسمها ووضحي لهم اسمها بالانجليش

وممكن صوره 3 وهذا حدك 3 صور

بعدها طلعي لهم من الصندوق مجسم للحرف كبيتل وسمول

ووضحي لهم كبيتل وسمول
وقولي لهم بيج اي وسمول اي واعطيهم نطق الحرف اَاَ

وكرري اي ابل
واطلب من كل طفل يأشر على الحرف ويقول اسمه ويأشر على التفاحه ويقول اسمها

بعدها لطريقة كتابه الحرف لو عندك الوقت
اكتبيها على الصبوره بالخط الكبير
واعطي ظهرك للاطفال واطلبي منهم وهم جالسين يكتبون معاك بالهوا
وانتي اكتبي بالهوا معاهم الحرف بالطريقتين

ان شاء الله تكوني فهمتي علي اي استفسار انا اضرة

نسيت اقووولك شي مهم جدا تركز عليه المشرفه
>>> بقدم لك كنز خخخخ
ادري انتي تستاهلين وانا كريمه ^__^
والله من جد يهم المشرفه لاتنسينه ابدا
بعد ماتشرحين اي حرف سواء حرف aاو غيره
لازم ترفعين اصبعك بالهواء وتكتبين الحرف
وتقولين للاطفال يلا نسوي مع بعض اول خليهم يشوفون
وبعدين يطبقوووون
يسمونها " الكتابة ع الهواء "
وبببببببس حبيبتي
هاه شرايك استفدتي والا *__^
عاد اذكرك الله الله بالدعوات بظهر الغيب لي
عسا ربي يرزقني ما اتمناه عااااجلا ياااااارب
ويفرح قلبي فيه يااااااكريم وييسره لي
تكفييييين مو تنسين >__<

الله يوفقك ****لله انا معي دبلوم انجلش كيف اقدم على الروضات وكم رواتبهم ؟ الله يجزاك الجنه ويوفقك