انا معلمة تربية خاصة مسار صعوبات تعلم..
الدراسة زي اي دراسة مافيها ذيك الصعوبة
بالنسبة للتوظيف انا تخرجت بشهر 5 عام 1426هــ وتوظفت بشهر رمضان بس طبعا بعيد عن اهلي بمنطقة ثانية وذيك السنة طلبوا معلمات تربية خااصة وخصوصا صعوبات تعلم

اما بالنسبة لمجال العمل انا اتعامل مع اشخاص عاديين مافيهم اي اعاقة وسهل وماشي بس المشكلة من اللي حولك ماهو فاهمين الوضع والتخصص اقصد الادارة والاهالي..

بالنسبة لي اشجعك تدخلين القسم.. والله يوفقكــ

بنت ارجاااال الدبلوم مطلوب في حالة انا المعلمة تاخذ اجازة يتعاقدون معك بس اللحين جامعة الطائف خرجت تخخص بكالوريس تربية خاصة واعرف وحده من الطائف تعاقدوا معها بمكة بدل معلمة ماخذة اجازة ..والله يوفقك

الله يعطيك العافيه

ابشري بالعلم وانا اختك ..

أنا خريجة تربية خاصه مسار تخلف عقلي ..

امممممممممم...

خلي ارجع ورا شوي واكون بنفس مكانك كنت أبي علاج طبيعي لخدمة هذه الفئة كذا من ربي سخرني لهالفئة وحبيتهم وحاسه أقدر اعطيهم ..

استخرت واستخرت لين ربي يسر ودخلت هالقسم ...أهلي كلهم عارضو انت ماتقدرين تعاملين العاديين يجونك معاقين تستاثمين فيهم :(وش غير هالتحطيم من تحطيم :(

كملت وما اقدم على اي خطوه الا بالاستخاره والكل يضحك علي كل ماقلت شئ كملو عني (باستخير وبشوف ) واينعم محد يخيب رجاه لاعلقه بربه وطلبتي الخيره منه ماراح يردك خايبه ..

استخيري واستخيري واستخيري ..واذا صملتي تربية خاصه حاولي تدخلي الترم الثاني اذا النسبه ماتاهل ..حاجه ثانيه المسار لاحقه خير ماراح تختاريه الا بالمستوى الرابع بعد ماتزورين مراكز وتدرسين اكثر وتعرفين وش ميولك ..

محدثتك على كثر الكلام السلبي اللي كنت اسمعه الحمد لله قدرت اثبت وجودي ويوم طبقت كل البنات متعلقين بميره وللحين فاقدتهم وربي :(

تعلقت فيهم بشكل :(


بالنسبه للوظايف الحمد لله الحين بادين بالدمج وفرصة الوظايف ان شاء الله كبيره ..بس لايكون هذا هو الدافع أهم شئ ميولك والاستخاره ..

بالتوفيق يابطلله ..

هلا حبيبتي انا خريجة تربيه خاصه..مسار سمعي...
بصراحه القسم رااااااااااااااااااااااااااااائع والدراسه ممتعه...ولغة الاشاره تجنن..تحسين بمتعه غريبه وانت تتكلمين فيها..
ونفسيتك تتعب وماتتعب هذي خرابيط...والله صدق الحمدلله عالعافيه احنا بنعمه بس مو ماساة وزي مالعالم متصورين..
استخيري الله وادخلي سمعي..وانا متخرجه السنه اللي راحت ولقيت وظايف كثيييييييييييييييير...
والله يوفقك

السلام عليكم..
بنات حابة استشيركم وان شاء الله ماتردوني ..
انا اخر سنة تخصصي رياضيات من كلية التربية يعني الحمدلله تربويه
معدلي مو مره مرتفع ((جيد)) ... وطبعا انتو عارفين ان الوظايف التعليمية للمعدلات العالية..
فأنا راح اختصر الطريق واقدم على دبلوم تربيه خاصة بس عندي شوية استفسارات ... ياليت تساعدوني باللي تقدرون علية
في جدة عندنا دبلوم التربية الخاصة يدرس في جامعه الملك عبدالعزيز و دار الحكمة؟؟
مو عارفه وين اروح ادرس مع اني سمعت ان الجامعة رسومها اقل من رسوم دار الحكمة .. بس دار الحكمة يقبلون المعدلات الواطية
وكمان مو عارفه اش المسارات اللي في الجامعة واش المسارات اللي في دار الحكمة؟
واي مسار مستقبلة الوظيفي اظمن لنا هنا في جدة؟
وهل ممكن القى وظيفة بعدالتخرج من الدبلوم يعني ان شاء الله بعد سنة ونص
بنات الله يسعدكم ويرزقكم الجنة من غير حساب ولا عقاب ساعدوني واعطوني معلومات باللي تقدرون علية
لاني بصراحه حابة اتوظف ومااغى اجلس في البيت ومحتاجة لهداذي الوظيفة مررره