معلمات الحاسب ..هل المديره تسند لكم أعمال اضافيه ؟؟ ارجوكم رد سريع تكفون

قبل كل شي ارجوا من المشرفات عدم االا ستعجال بضم الموضوع مع مواضيع الحاسب
زي ماشفت لانه ماراح تجيني ردود سريعه وانا ابي الرد سريع .. الله يخليكم

وشكراا


************************


اخواتي اشكي لله قبل اشكي لكم معاناتي

انا الحين متوهقه بعمري :(

انامعلمه حاسب .. ومديرتي اعطتني اعمال اتوقع مستحيل وحده تشيلها

ابي رأيكم وشوركم لاتبخلون علي وربي ضايقه فيني الوسيعه

تخيلوا عندي اربع حصص في الاسبوع وهذا نصابي في الحاسب (حصتين لثاني ثانوي + حصتين لثالث ثانوي)

الاعمال الاضافيه

مشرفة للأذاعه المدرسيه
مشرفة للمكتبه المدرسيه
رائده لصف دراسي
ومساعده لمشرفة النشاط

ادري بتقولون شخصيتك ضعيفه وعشان كذا مسكتك هالاعمال كلها ..

احنا مديرتنا كبيره بالسن والله اخجل ارد او اتكلم معها .. تعرفون ايش ضريبه الحياء

تقولي لا انا حطيتك وخلصت ماانتظر منك رد ..

الفصل الدراسي الاول كان معاي المكتبه والرياده ومساعده للنشاط فقط وكان عندي امل هالترم تشيل هالاعمال حسب اتفاق .. بشرط اكون مشرفة للنشاط .. لكني تفاجأت بالصدمه يوم قالت اضفت لك الاذاعه على اعمالك ... اقسم بالله يابنات وربي وجهي قلب اسود .. قلت مااقدر .. والله لو انا آله ماسويت هذا كله.. قالت انتي اقل نصاب وانتي متعاونه وحاره تتحمسي وتخلصي الشغل بسرعه .. ماابي وحده من المعلمات تقول ليه انا اشيل والمعلمه الفلانيه ماتشيل .. ابي افتك منهم ..


هذا جزاء التعاون !!!!!!!!!!!!!!!!

بالله كيف اتصرف معها هاذي :icon33:


للعلم المدرسه مكتفيه من المعلمات ..يعني ماعندنا نقص .. وفيه معلمات نصابهم 8 او 7 حصص



اللي معرقلني ومخليني ماسكه لساني وقلبت المدرسه عليها انه ممكن اطلب اجازه في اي وقت لانه احتمال اتزوج عالصيف
وخفت توقف لي بهذا الشي .. خصوصا اني مااعرف كيد المديرات وانا جديده وماعندي خبره في التعاميم ولااشياء هاذي :(



تكفون ردواااا بسرعه يامعلمات