معلمات الروضه افتوني في ابنتي أم 4 سنوات

انزين هل عنادها يظهر في البيت بعد وألا بس في الروضة؟؟
إذا كان بس على المعلمة ، ممكن تتفقي معها أنك تعملي زيارات داخل الفصل لمراقبة البنت ، وبالتالي تجلسي مع المعلمة وتحطوا خطة متفقة لتعديل السلوكيات السلبية فيها ، أكيد راح تتوصلوا لحل مع بعض إذا تناقشتوا في الأشياء أللي تحبها والأشياء أللي ترفضها .

طيب هالروضة مافيها مشرفة أو أخصائية تقدر تراقبها وتحط لها خطة تعديل سلوك مع المعلمة ؟؟

آنا اعتقد أن العيب في المعلمة
لازم تحاول قدر المستطاع تكسب البنت وتخليها تحبها وتسمع كلامها
مافي شئ مستحيل مع طفلة عمرها 4 سنوات ، يعني بشوية إغراءات وتعزيزات تميل ويلين راسها حتى لو كانت أكبر عنيدة .

ومن رأي بعد أن التغصيب والقوة ما تنفع مع الطفلة ، خل يحاولون يكسبونها ويخلونها تحب المكان عشان ياخذون منها أللي يبون . لأن القسوة تولد المزيد من العناد.

ما أتوقع السبب من المعلمة مسكينة لأن البنت إنتي عارفة طبعها عندك في البيت

فأقترح انك تطلبين من المعلمة تقول لك كل اللي سوته البنت في الروضة وانتي في البيت ممكن إذا سوت شي زين وكانت عاقلة تعززينها (تطلعينها تتمشين معاها- تشترين لها شي- تسمحين لها تلعب وقت أطول)
أما إذا صارت لعابة فصيري حازمة معاها وبيني لها السبب بعد ما تسألينها وش سويتي في الروضة اليوم؟؟
المهم احرميها من شي تحبه - لا تعطينها وجه شي مثل كذا

ملاحظة : كلامي مش كلام متخصصة لأني ما أدرس رياض أطفال بس حبيت أساعدك وقولي لي رايك في اقتراحي

اهلين خواتي ... جزاكم الله خير على الاهتمام

والله هي عنيده وما ينفع معاها شئ

المدرسه ما خلت شئ من نجوم ومصاص بس علشان تسمع كلامها

البنت تحب المدرسه بس أنا مب عاجبني سلوكها في الصف أما المدرسه فتقولي صبري عليها بتعقل

بس بنتي أعرفها اذا هددتيها بترضخ بس بتقعد مبوزه ويمكن تقولي أنا ما أحبج

ومرات لما أقولها بنتي حبيبتي وأسايرها تسوي اللي أباه وطبعا بكيفها ونادر

أنا اللي خايفه منه أن منعها من اللعب يكرها في المدرسه ... وفي نفس الوقت حاسه أنهم راح يسيطرون عليها بهالتهديد...

فما أدري شو رايكم؟؟؟

اختي العزيزة....

انا مدرسة رياض اطفال ...
اول شي بنتك في كثير مثلها ولا تحسسينها انه عندها مشكله لا بلعكس لا تاكدين على التصرفات الخاطئه قد ما تاكدين على التصرفات الصحيحة
يعني مثلا ممكن المعلمة تعمل معاها خطة تعديل سلوك وهي مثلا عباره عن لوحة تعزيز (في شي تحبه مثل لو تحب العرايس)
تسوي لها لوحة فيها صندوق الالعاب ... هذا الصندوق فيه 6 عروسات
الصباح اول ما تجي توريها الصندوق فاضي وتوريها العرايس( طبعا كله مقصوصات) تقولها لو كنتي بكل الفترات تتبعين القوانين وتتصرفين بشكل كويس (تقولها كل القوانين بتفصيل) رح تاخذين عروسة بالصندوق
واذا كملتي كل الغروسات الست في الصندوق رح تاخذين شي تحبينه (مثلا عروسة)
اول شي يكون التعزيز بشكل مكثف ويومي
بعدين كل ما حسن انها تحسنت يصير اسبوعي الين ما يصير التصرف معتاده عليه

وابدا لا تحرمينها من شي

يعني مثلا بالساحه ما تصرفت كويس
المعلمى تقولها اجلسي بجنبي فكري بتصرفك صح ولالا ولا لارح ترجين تلعبين الا اذا تاسفتي وقلتلي ليه تاسفتي ولا رح تكررين هذا التصرف مره ثانيه
وصدقين لسا بدايه السنه يعني اتوقع لو المعلمه اتخذت معاها اسلوب الخطه الي قلتلك عليها رح تجيب نتيحه
انا كانت عندي مثل حالت بنتك واشد والحمدالله قدرت اسوي كنترول عليها
وهذا الي جاء في بالي
بس اذا احتجتي اي شي ارسليلي

واتمنى لك كل التوفيق

لازم انتي تبداي مع بنتك من الان وتحاولين السيطره على سلوكها وتحاولين انك تحسني من سلوكها لانك لو ما سيطرتي عليها من الان وسمعت كلامك ماراح تقدري عليها اذا كبرت شوي راح تبهذلك
البنت اذا عاندت لاتردي عليها وازعلي منها وحاولي ماتكلمينها الابعد ماهي تجي تراضيك واذا جت وكلمتك حاولي تكلمها بالهداوه ان السلوك الذي سوته مو صحيح ومو من صفات البنات الحلوات وكرري معها العمليه وراح تسمع كلامك لانها لو ماحترمتك في البيت ماراح تحترم احد ولا تسمع كلام احد