معلمات المدارس الأهلية واللي عندهم خبرة فزعتكم

حبيبتي:

الخرائط المعرفية انك تلخصين الموضوع على شكل اسهم

ودي افهمك والمشكلة ماعرف اسويها عن طريق الكمبيوتر بس بحاول اوضحها

مثلا: الجهاز الهضمي نزلي منه سهم يمين وسهم يسار وتحت اليمين اكتبي القناة

الهاضمة وتحت اليسار الغدد الملحقة فهمتي علي؟؟ ( يعني كأنك قسمتي الجهاز الهضمي الى قسمين)

ننزلي من القناة الهاضمة 7 اسهم تحمل : الفم - البلعوم- المرئ - المعدة - الامعاء

الدقيقة - الامعاء الغليظة - فتحة الشرج

ونزلي من الغدد الملحقة 3 اسهم : الغدد اللعابية والبنكرياس والكبد

فهتمي علي؟؟

بهالطريقةقمتي الدرس على شكل خريطة ولخصتيه وهالطريقة رائعة جدا تفيد في

ترسيخ المعلومة

التعزيز يعني التشجيع : ممتازة - بارك الله فيك - وفقك الله

وبما أنك تدرسين مراحل اولية ممكن تستخدمين: شطورة ياحلوة - ياقمر

ياعسل

والصعوبات اللي راح تواجهيهاالحركة الزايدة بس تسيطري عليهم بالراحة خليهم يعرفو انك وقت الجد شديدة بس مو مرة لانهم صغار ياحرام

وفي المقابل اضحكي معاهم وشجعيهم وامدحيهم دايم

حطي في بالك حاجة مهمة جدا جدا تختلف تماما عن متوسط وثانوي

ان المراحل هذي تأخذ المعلمة على انها قدوة ويقلدوها لدرجة غير طبيعية بمشيها وكلامها وتصرفاتها

عوديهم على الادب والاعتذار لبعض لما يغلطو

واي سؤال انا حاضرة

موفقة اختي

حنين انثى
الله يجازيك الف الف الف خير والله هونتي علي شوي من الخوف اللي احس فيه الحين خصوصا اني تفاجأت بخبر المديرة اني بمسك صفوف اولية والصفوف هادي متعببببة مرة خصوصا ان المدرسة اهلية وكل شي يتشرطون ويبونه
شرحك لخريطة المعرفة فهمت منه شوي يعني افهم ان خريطة المعرفة تعتمد على المعلمة نفسها يعني من اختراع المعلمة انا اختار الخريطة اللي ابيها والا لها شروط يعني تختلف من درس لدرس ثاني ؟؟؟
بنسبة للتعزيز ممتازة - احسنت المديرة قالت لي انسي الكلمات هذي بتاتا خصوصا مع هذي الصفوف واستخدمي الكلمات المشجعة مثلا شكرا للنحلة النشيطة ..... الخ
انا توهقت الحين كيف اكون وسيط بين الاثنين يعني موش شديدة وموش هينة مع البنات ماعرف اكون وسسسسسسسسسسط ابدا :(
وعندي بعض الاسئلة
لو قومت طالبة مثلا ومو راضية تتجاوب معاي في الحصة ابدااااااا وتكرر الشيء هذا اكثر من مرة كيف اتعامل معاها ؟؟؟ اتركها براحتها لفترة وارجع اسئلها مرة ثانية طيب واذا عيت ايش اسوووي معاها ؟؟
:(
عندي اسئلة كثيييييييييرة واستفسارات ياليت تفيديني اختي لأني فعلا متوهقة وحابة اعرف انتي اهلية والا حكومي لأن الاهلية يختلف جدا عن الحكومي واشياء كثيرة تتطالبن فيها :(

وربي يجازيك كل خير ويفرج عنك كربك مثل مافرجتي كربتي


الف شكر يا الغالية

مشكورة ياعمري على هالدعاوي الله يستجيبها ولك بمثلها يارب

شوفي ياعيوني

انا بمدارس أهلية وكنت ادرس 2 و4 و6 ابتدائي

اما الآن ادرس ثانوي ومتوسط.

شوفي بين فترة وفترةجيبي معك شوكلاته او حلاو مصاص او او.. للطالبات

حطي لوحة على الجدار فيها اساميهم ودايم اكتبي علامة صح او نجمة عند البنت الممتازة علشان يتشجعون

والبنت المشاغبة المرة الاولى والثانية انذريها المرة الثالثة حطي اكس عند اسمها

واذ اجمعت البنت 10 علامات صح مثلا عطيها بطاقة مكتوبة فيها عبارات حلوة وعلقيها عالمريول.

وطرريقة التعامل ادخلي وخليك طول الوقت مبتسمة وبنفس الوقت فيك قوة عشان يهابونك وراح تلقين بنات كثير يتشجعون ويشاركون وبنات لا

البنت اللي ماتجاوب ممكن تقربين لها وتحطي يدك على كتفها وتحسسين على شعرها << الحركات هذي تمشي كثير عالصفوف الاولية

قولي لها انا متأكدة فلانة شاطرة بتجاوب وقربي لها المعنى الين تجاوب

شجعيها وحسسيها بالأمان علشان تحبك وتتعود عليك.

واذا خلصتو الدرس بدري لعبيهم دايم

ترى الصغار اذا حبو المعلمة حضرو وذاكرو دروسها

مو مثل اغلب المتوسط والثانوي :30:

اتمنى اني افدتك. ادعيلي تكفين ربي يرزقني الزوج الصالح :icon28:

الله يوفقك وييسر لك امرك عزيزتي بوح

مشاء االلة يابوح مبروك في اي مدرسة توظفتي؟
و يحتاجون حاسب؟