معلمات رياض الأطفال والأمهات الخبيرات برياض الأطفال

السلام عليكم أخواتي

أحتاجكم في استشارة وياليت تفيدوني لأن هذا الموضوع محيرني

أنا من أكبر طفل عندي وأنا أسجل عيالي بسن 3 سنوات بس في مدارس قرآنية يعني تابعة للجمعية الخيرية لتحفيظ القرآن ونظامهم يعتمد على الوحدات . السنتين الأولى ما يكتبون الطفل الا أشياء بسيطة جدا وتكون على أوراق نشاط (ورقة عمل) وما يعطون الأطفال أي كتب بس يعلمونهم مختلف المهارات والمفاهيم والحروف والأرقام يكتفون بتلوينها وحل التمارين الإدراكية المتعلقة بها .
طبعا هذا النظام أو شبيهه هو المعتمد حسب ما سمعت في رياض الأطفال الحكومي.
الصغير سجلته السنة هذه في نفس المدرسة اللي كانوا اخوانه فيها ولكن لأسباب معينة وخاصة حابة السنة الجاية أغير المدرسة.
لقيت مدرسة خاصة نموذجية وبصراحة ارتحت لهم كثير ما شاء الله بس تعجبت من امتلاء المنهج يعني الطفل عنده 9 كتب أذكر منها حروف عربي وإنجليزي وأرقام عربي وإنجليزي وحاسب آلي ورياضيات وما أذكر الباقي .


سؤالـــــــــــــــــــــــــــــــــــــــــــــــــــــــــــــــــي:


مو كثير على الطفل يدرس المواد هذه كلها.؟
مو صعب على الطفل انه يمارس الكتابة بشكل شبه مكثف في هذه المرحلة الدراسية (تربويا قالوا مو صحيح)؟
هل جربت مثل هذه المدارس وبهذا المنهج؟ وكيف كانت استفادة طفلك وهل تفاعل مع المنهج المعطى..؟



سامحوني صارت أسئلة مو سؤال بس فعلا هذا الموضوع شاغل بالي وأتمنى ما تخذلوني في الإجابات