معلمات مكة00000تمديد اجازة الامومة

تقدرين تاخذين اجازة مرضية
لكن نصيحة لا تأخذيها وانتي بصحة وعافية لأن الله يمهل ولا يهمل
وممكن تقدمي على اجازة مولود بربع الراتب وهذي ايضاً سهله جداً لكن يبيلها تتابعيها بنفسك

مشكورة حبيبتي على النصيحة بس انا عندي انزلاق غضروفي جاني من بداية الحمل وطول ماانا حامل كنت اعاني لاني مااقدر اخذ علاج والان بدي ابدا في العلاج بالجلسات وفي نفس الوقت عندي اثنين صغار على بعض ما اقدر اسيب الصغيرة معاهم وانتي عارفة التعميم يقول ممكن تمديد الامومة حتى 90 يوم بس هي محسوبه عليكي مرضي والاجازة اللي بربع الراتب مايعطوا شهر اقلها 3 اشهر والترم حينتهي فانا كل اللي ابغاه شهر فاللي تعرف كيف الطريقة تدلني وجزاها الله خير0

انا مددت اجازتي 50 يوما ( يعطوكي هي على حسب حالة طفلك او حالتك الصحيه)

اخذت تقرير من المستشفى يفيد باني ولدت عندهم و بانه طفلي كان تعبان واتنوم ويحتاج لرعايه امه الخاصه
واخذتها الحمد لله

بالنسبه لك جيبي تقرير عن حالتك من مستشفى معروفه واطلبي من مديرتك ترسلها لشؤون الموظفين لانه الوحده الصحيه راح تناحلك وماترضى فيها ابد

والله يساعدك ويعينك