معلمات ومرشحات الحدود الشمالية نداء عاجل

اولا حياك ربي بالشمال وسيعين الصدور واهل الكرم والجود

ثانيا الحدود الشماليه عاصمتها الاداريه عرعر وهي مدينه صغيره بس فيها كل الاحتياجات والاسواق بسيطه جدا يعني زي سوق حجاب بالرياض هههههههههههه فيها جامعه وفيها مدارس خاصه وسبيشل وحضانه ومواصلات ومطاعم وجوها البارد وناسها الطيبين يعني ديره غييييييير عرعر غير واتمنى انك ماتتذمري من الصعوبات الي بتواجهيها لانك بعيده عن اهلك واتفائلي بالخير واستبشري وسلامتك

اللي يسمعك يابلسم يقول حشا الربع الخالي والا المريخ هجره مره وحده الله يسعدك ياقلبي انا من اهلها والله انها مدن متطوره فيها جامعة الحدود الشماليه والمدينه الجامعيه قريبا تفتتح وكليات التقنيه والتمرض فيها سوبرماركات كبيره مثل العثيم وقريبا بنده فيها مستشفيات ومستوصفات خاصه وحكوميه وفيها اسواق حلوه فيها ستي ماكس وباقي افتتاح سنتربوينت وسمينا خلال هالفتره فيها مكتبات كبيره شقق وفنادق منتزهات عائليه وخاصه للنساء فيها سيارات لومزين توصلك لاي مكان اهلها قمة الطيبه والكرم ولا هو قصور بباقي مدن السعوديه كلها ديرتي قدمي عليها بعد ما تستخيري الله يوفقك

ماشاء الله تبارك الله سامحوني مو قصدي اقلل منها بس الاسم حدود يخليني اتخيلها شي بعيد
ودام انتو منها يشرفني اهاجرلها ههههه
والله تحسفت حاليا ما اخترتها من اول اشوف البنات يحطون اسماء قرى غريبه والوصول لها مشقه فحاطتها بالقائمه السوداء بس محد تكلم عن الحدود الشماليه فحبيت اسال جزاكم الله خير الجزاء وفرج عنكم الهم
ومازلت انتظر البنات اللي نقلو لها بسبب الوظيفه

استغفر الله واتوب اليه

رفع