معلمة اجيال تطلب لفتاةعمرها 13 سنة فقط4 دوريات شرطة والسبب....

اقولكم قصة حصلت امس فقط وابغى رأيكم بصراحة في الموضوع

طالبة متوسطة ( ثاني متوسط ) في مدرسة تحولت ظهرية يعني تبدأ 12 وتنتهي 5 عصرا

امس انصرفت بدري لأنه جات امطار في الحي اللي فيه المدرسة فكان انصرافها 2 ظهرا وموقع المدرسة يخوف انه تضررت بالسيول سابقا ( السنة الماضية ) بس الحين بنوا سد قدامها

المهم نجي لموضوعنا

المفروض لما تنصرف بدري انهم يبلغوا الأهل عشان يجوا ياخذوا بنتهم بس اللي حصل انه البنت المسكينة حفظها على قد حالها فبس حافظة رقم البيت وتلفون البيت مقطوع والهاتف يماطلون ولا جو يصلحونه
والمديرة والوكيلة اول ناس قفلوا باب غرفتهم وشردوا يعني الأوراق اللي فيها بيانات الطالبة وارقام جوالات اهلها مقفول عليها ( موالمفروض المديرة تكون قد المسؤولية الحين المديرات هم اول ناس يهربوا)

والأهل مساكين ساكنين في منطقة بعيدة عن الحي ( من اول السنة وهم يطالبون بنقل بنتهم بس التعليم مو موافق بحجة انه مافي مكان في المدارس القريبة لهم ) وحيهم مافي مطر ولا هم داريين انه بنتهم انصرفت بدري وراحو يجيبونها في الموعد الساعة خمسة الا يفاجأو بأنه المعلمة طلبت دوريات شرطة وجات ماشاء الله اربعة مرة واحدة عشان طالبة واحدة عشان يأخذون البنت لمركز الشرطة واهلها يستلمونها من هناك والبنت المسكينة تبكي ورافضة تروح معاهم وفي الأخير طلبوا من اخوها اللي جا يأخذها يركب معاهم بس رفض قال اوصل اختي للبيت واجيكم قعدوا يهزأوا في اخوها ( المعلمة وولدها والحارس )واخذت الدورية بياناته وبعدين واحد شرطي رحمه وقالوا روح لما شافه يمشي بعكاز

والبنت داخلة البيت ترتجف وخايفة وحالتها النفسية منهارة واليوم ما تبغى تروح المرسة ابدا

بالله هذا سلوك من معلمة اجيال لا وبعد مدرسة دين ومن مدرسة المفروض تكون منارة علم وسلوك

لا تقولوا ليه ما ينقولونها هذه حكاية ثانية الأم حفيت اقدامها هي وابوها يطلبوا نقلها وورافضين مع مواجهة تعامل سئ جدا من الموظفات والرد دائما الكمبيوتر رافض والنقل وقف خلاص المدارس مكتفية بالعدد ولا الطيبة منهم ترد تعالي بعد اسبوعين ونشوف وتروحي ونفس الردود

ايش رأيكم لو حصل لبنتكم مثل هذا الموقف ايش بتسوووون